كمبواريه انت تعبث بتاريخ الهلال

تحيه طيبه لجميع الزعماء ومبروك التاهل

تأهل كانك تشرب شاهي من غير سكر

السيد انطوان كمبواريه ياريتك شفت دولاب بطولات الهلال وسمعت عن تاريخه

اقول اترك التاريخ وشوف كنز اللاعبين اللي حولك

انت تملك اقوى خط وسط في المملكه تركنه كله احتياط

انت وش تحس فيه يوم تلعب مره بثلاثه محاور ومره بثلاثه مدافعين ومعهم ظهيرين

يعني خمسه مدافعين ما قالو لك ان الهلال منذ سنين عنده مشكلة بالدفاع

بس ناخذ بطولات تدري ليش

لان نحشر اي فريق في ملعبه لاعبي الوسط والهجوم رغم ضعفه زمان

الا ان الهلال ما كان يرحم

الحين اسوأ الفرق صارت تمسح بكرامتنا الارض

الهلال من عرفته على ايام يوسف جازع وحسين الحبشي ويوسف الثنيان

عمره ما رجع للخلف وصار يدافع في اسوأ حالاتنا كنا نرهب اي فريق

الحين اي فريق صار يتمنى يقابلنا

ليش يا كمبواريه

تلعب دايما بصانع لعب واحد صريح والثاني مساند اكثر للدفاع

اتمنى من الادارة اقالته فورا لانه وللامانه جبان ولا يستطيع مجابهة اقل الفرق

اتمنى نرجع نلعب بمحور وحيد

وثلاثه صناع لعب الشلهوب سالم وعزوز والعابد والفرج ياخي عندك خمسه

رسالة لسمو الامير عبدالرحمن بن مساعد

نشكر جهودك كثير في دعم مشوار الهلال ولكن ذهاب سامي اثر في مستوى الهلال

اداريا انت ناجح فنيا تركت الامور لهذا المدرب فعبث بالهلال

اتمنى ان تعيد سامي الجابر او ان يأتي نواف التمياط ليحل محل سامي