بسم الله الرحمن الرحيم
السلام عليكم ورحمة الله وبركاته أسعد الله أوقاتكم ياشباب ...ايش رايكم بأفكارشايبكم
لاتجاملون ان كانت الفكره جيده ايدوها وان كانت غيرممكنه قولوا رأيكم بصراحه
الان الاحظ الحضور الجماهيري في مباريات الزعيم قليل عكس ماكنا في السبعينات والثمانينات كان المدرج يمتلئ مع ان اللعب زمان كان اغلبه ارتجالي لاتحرك بدون كره ولالياقه عاليه عند بعض اللاعبين كان بعض اللاعبين لايستطيع يركض ربع ساعه في الملعب الان لا اللعب فري فري قود
طيب عطنا فكرتك ياشيبة عرعر الفكره طال اعماركم تتلخص في انشاء روابط مشجعين هلاليين واحده في شمال الرياض وانا رئيس الرابطه .....اها وش قلت
امزح ماني فاضي يالله وبالله اذهب للملعب وهالشباب بسياراتهم تقل صواريخ من يميني وشمالي (الله يهديكم ياعيالي اركدوا بالسواقه ...ترانا لاشفنا السياره مسرعه نقول الله يخلف على أميمك اللي جابك ...لانك ان ماركدت لك يوم سوف يحدث لك شئ فما كل مره تسلم الجره وممكن تذبح لك عائله او رب عائله وتيتمهم)
انا شطحت عن الموضوع لكن خلوني افضفض شوي
رابطه في شمال الرياض وتتحرك بباصات حتى تخف الزحمات في الطريق ورابطه في غرب الرياض ورابطه وسط الرياض وشرق الرياض مايحتاج الملعب قريب لهم
فقبل المباراه بيومين يجتمع المشجعون وينسقون طريقة تشجيعهم ويتجهون بباصات للملعب ( وياهلال عزك عزنا ياهلال )
