بنات ساعدوني ماني عارفة اشلون اتصرف مع ام زوجي؟

مرحبا خواتي انا عندي مشكلة كبيرة متعبتني من 5 سنين ماني عارفة حلها ولاني عارفة إذا انا خلطانه او لا . المشكلة هي أم زوجي انا متزوجة من 5 سنين وعندي بنت وولد أعمارهم البنت 3سنوات والولد سنة وسبع شهور المهم انا ماني كويتيه. بس انولدت بالكويت وتربيت بالكويت وعشت لية مرحلة المعهد بالكويت وخلصت المعهد بعدها تقدم لي واحد من جماعتنا عايش بره في دول أوروبا وصار العرس بالكويت وبعدها سافرت عند زوجي وأنجبت اول بنت وبعد سنه ونص جبت ولد وكنت عايشه عند أم زوجي وكنت ما احتك فيها وايد كنت أتجنبها علشان ما تصير بينا مشاكل بس كنت احترمها وتساعدها شغل البيت وأسولف معها وعادي كنت اعتبرها مثل أمي ليما مره من مرات اول ما جبت ولدي ثاني يوم طلعت من المستشفى وجيت البيت وأهل زوجي كانوا كلهم متجمعين علشان يرحبون فيني وأنا بغرفتي وقاعده أرضع ولدي ولا قاعده اسمع وهي بالمطبخ تحضر لخواته من أبوه تحش فيني وتقول انا بروحي أسوي شغل البيت وأنا تعبت وصرت كبيره وهي ما تسوي شئ والشغل كله علي أخته من أبوه تقول ليش جذي البيت في يهال لازم التنظيف المستمر . البنات والله كنت اساعدها وهي كله كانت بره عند رفيقاتها حتى مره من مرات كانت مسافرة ورحت غيرت لها الستائر غرفتها والديكور كامل وصرفت أش كثر بس هل غرفة علشان ها وفوق هذا زوجي كان يدفع مصاريف البيت من الصغير الين الكبير وإيجار البيت وبيتها كان كله مشاكل مع الحكومة وكل شئ زوجي كان يدفع هو صح ولدها العود بس من كثر مشاكل هذا البيت وفلوسه كان يشتكي زوجي وكنت أقوله ما عليه هذه أمك وبكره الله يفتح علينا ويوسع رزقنا. أخ يا بنات وبعدها قررت اطلع من بيتها طلبنا بيت والدولة عطيتنا بيت صار لنا 7 شهور ساكنه بيتي ولحد الحين وموعايشين معها تطلب فلوس وشوبنغ للبيت حليب والسكر والطحين وغيره .المشكلة الدولة تعطيها فلوس إعانة ولا كل أسبوع بعد يعطونها وما تشبع بنات تروح تطلب فلوس من بنتها وبنتها مشاكل الدنيا كلها فوق رأسها مشاكل مالية وما تدري شنو تسوي بعمرها وتطلب بعدين بنتها تجئ تتصل علي أمي كذا وأمي طلبت وأنا أقول لها يا حبيبتي أمك إذا ما عندك لا تعيينها شئ وإذا عندك عطيها انا علاقتي طيبه مع ها لبنت الي هي بنتها . المهم انا أهلي موجودين بالكويت فقررت أسافر وأجي الكويت عند أهلي جيت نهاية أكتوبر انا وعيالي وأخذت دين من رفيقتي حوالي 1000 غير ديون كثيره وراي لازم اسد دهم لما ارجع وأنا كل ليلة افكر كيف اسدد ومن وين أبدا ونهاية هذا شهر برجع. وليلة يقولي زوجي أمي كان عندها مشكله بخصوص البيت وأنا عطيتنا. 100 دينار طيب واحنا ما فكر بحالتنا والديون بنات تصدقون والله بيت امه لما كنت ساكنه عندها كثير من المرات كان معاشه مصاريف البيت وطلبات امه وإيجار البيت وكل شئ ويطلب مني فلوس ، كنت أعطيه فلوس كم فلس أجمعه لما يعطيني زوجي في اول ما يستلم المعاش زوجي لدرجة تصدقون ليه يومنا هذا ما جمعت ولا فلس لعيالي جمعت اشوي ودفعنا فيه فلوس تذاكر السفر للكويت وهدايا أهلي واحتياجات عيالي وبس . باختصار الليلة قالي زوجي طلبت أمي فلوس وعطيتها 100 دينار طيب إحنا ما فكر حالتنا الديون وعيالي ماكو فلس بالبنك لهم و بنتي راح تبدأ الروضة ها لسنة وعيالي أبي اشتري لهم سراير صارت صغيره عليهم وكل هذا ما فكر فيه زوجي مقهوره وزعلانه ماني عارفة كيف أتصرف معه قلت له كذا مره ما عندي مانع تعطي أمك فلوس مو 100ولا500 إنشاء الله 1000 ألف دينار ما عندي مانع بس لازم تفهم أمك انه وراك عائله لازم تصرف عليهم وراك زوجه لها مطالبها. وراك عيال طلباتهم ما تخلص وراك بيت ومصروف البيت وإيجار البيت وكل هذا شايفه امه مرت ابنها الثاني بتهج من الدولة كلها علشان ها هي ساكنه قريب مني ولدها كره مطالب امه ما تخلص تعبت. وماني عارفه كيف مطلوب مني أتصرف . خواتي بليز قول لي نصائحكم بخصوص هالموضوع وكيف أوصل كيف اخبر زوجي أني متضايقه من تصرفه هذا انه يعطي امه كلما طلبت.