موضوعي ويا رفيجتي

بنات قلبي محروق على رفيجتي وعلاقتنا اللي انتهت بشكل قهرني وضايقني حيل وترك اثر
بنفسي كبير كل ما اتذكر تضيق فيني الدنيا .

الموضوع كالتالي هالبنت عرفتها من ايام الجامعه تمت وياي سنتين عرفنا بعض بعدين
فجاة قطعنا لانها كانت لاهية عني وما تسال ولا نطلع ، بس فجاة عقب سنتين لقيت رقمها
دقيت عليها رحبت فيني وقالت وينج ويين ايامج وخنتقابل وفعلا تقابلنا وردينااحسن من اول
بوايد تقريبا كل يوم ويا بعض واذا ما طلعنا نسولف في التليفون ووايد تقولي اسرارها
وهم انا وصرنا كلوز حيل.


مرات كنا نتفق نطلع بس انا اكنسل او اني اتاخر واقولها بيي واتاخر وتضايق وما تقول
وتطوف بس فجاة بشكل غير مبرر وخرت عني وما قامت ترد علي وسالت رفيجتنا عنها
تقول اهي بتسافر برا وما رح ترد الا عقب فترة طويلة انا هني بجيت وتضايقت حيل
وخاصة انه قبل عرسي باسبوعين وكان ودي تكون وياي .


وفجاة دريت انه دقة مسوينها فيني انا بس هني انا مليون سؤال براسي هل متعمدة
عشان توخرني عنها وسوت هالشى وخلتني جدام البنات مصخرة ؟ هل كانت تبي تضحك؟
المهم سافرت جم يوم ويوم ردت اكلمها واتس اب يالله ترد وبعدها ما قامت ترد كلش كلش
اكتب لها ما ترد ادق ما ترد ادز مسجات ما ترد اسال البنات ما ترد ، حتى رحت لها بيتها
عشان اعطيها بطاقةعرسي ما لقيت احد الا الخدامة عطيتها اياها وقتلها بالواتس اب
انا عند بيتج وحطيت لج بطاقة عرسي وهم ما ردت ولا دقت ومبين دشت واتس اب وما ترد



انكسرت ومرت الايام وفعلا ما ييت عرسي هني فعلا انكسر قلبي عقب هالعشرة؟؟؟؟


الحين بنات قولولي شنو اسوي قلبي محروق شنو الحل؟