اول مشكله لي مع زوجي .. ابي حل حكيم وعقلاني

السلام عليكم شلونكم بنات ؟

مالقيت احد اشاركه بهالمشكله يمكن بعضكم يحسها سخيفه بس اشوف تاثيرها كبير والصراحه حسيت اني ماعرف اتعامل معاها يعني ماعرف ابرر لنفسي ولا يمكن زوجي معاه حق يزعل ...

بعطيكم اول شي فكره عن زوجي .. اهوا يحب الشغل جدا .. يحب عمله ويقدس شي اسمه وظيفه مايحب الاهمال او الكسل الشغل اولا بالنسبه له يعني وظيفتي لازم اجتهد فيها وما اخلي اي عذر او ظرف يخليني اهمل فيها او اغيب المهم ... حصل معاي شي طاري ظرف فاخذت مرضيه مو لسبب مرض بس اخذتها لانه مر علي ظرف مابي انحسب غياب بدوامي المهم هو سالني ليش مارحت الدوام وقلت له صار معاي كيت وكيت قالي يعني انتي غياب اليوم .. قلت له لا احسبولي مرضيه المهم قال : شنو @@ عصب علي وتنرفز حيل

قالي انتي مو مريضه شكو تسوين لج مرضيه وانتي مافيج شي عنده المرضيه لازم حق مرض لو شنو عندي ماعندي ما اخذ المرضيه الا حق مرض عاد شرحت له ليش اخذتها واني اضطريت المهم عصب علي وزعل وصار ما يحاجيني وماله خلقي يقول انتي قاعده تدخلين علينا فلوس حرام ومعاشج فلوس حرام وصلت لهالدرجه بينا وانا ماحبيت اناقشه ولا اتناجر معاه المهم ما خلى كلمه ماقالها عني واني طحت من عينه ومادري شنو وايد كلام قاسي

والحين ما يكلمني يومين ما يكلمني الا بنفسيه مادري شسوي معاه ماتوقعت اللي سويته هالشكل بزعله وبياخذ بخاطره واصير نصابه وحراميه ومعاشي فلوس حرام

الله يخليكم بنات شسوي معاه انا كلش مارفع صوتي عليه حتى لو صرخ علي دايما احاول امسك نفسي وما اعطي ردة فعل مباشره على اي مشكله ... :(