توبه وغفران

[poem=font="Simplified Arabic,5,crimson,normal,normal" bkcolor="transparent" bkimage="backgrounds/40.gif" border="none,4,gray" type=1 line=0 align=center use=ex num="0,black"]
يالله ياللي لك على الخلْق سلطـان = ياواحـدٍ كـل الخلايـق تهيـبـه

يا رافعٍ سبع على غيـر عمـدان = ياعالـم الدنيـا بيانـه وغيـبـه

يابانيِن دينك على خمسـة اركـان = وأرسل رسوله للبشر تهتـدي بـه

ويا واحدٍ فوق المخاليق لك شـان = يا مْرَجعٍ يوسف عقب طول غيبه

أرجيك حيث اللي ترجاك ربحـان = واللي رجا غيرك تردّى نصيبـه

أسألك عفوك وامتانك و الإحسـان = وأسألك أنا عَطفً ولطف وهَيبـه

ربي وأنا عبدك وعندي بك إيمان = ما خش قلبي فيك شـك و رَيبـه

ربي وأنا عبدك ترجّـاك شفقـان = أنت الذي مـن يطلبـك تستجيبـه

يا جاعل للخيـر والشـر ميـزان = يا غافـر الـزلاّت سَتّـار عَيبـه

أدعيك وأنت مصوّر الأنس والجان = والنمل فوق القـاع تسمـع دبيبـه

أسألك في دنياي ستر على أيمـان = وأسألك أنا التسبيح عند المصيبـه

وألوذ بك يارب عن كل شيطـان = وأعوذ بك عن الضَّيم هو الغليبـه

واليا خذيت الرّوح تاخذ بالإحسان = وتونسن يا صرت تحت النصيبـه

وأسألك أنا يارب رحمه وغفـران = في يوم ما ينفـع قريـب قريبـه

في يوم ما ينفع قرايب ولا إخوان = يوم صغير السـن يغشـاه شيبـه

يوم عظيم فيـه رابـح وخسـران = أحد سعيـد الحـظ واحـد بخيبـه

الناس حفيانـة شبـاب و شيبـان = كلٍ بنفسـه مـا يهمـه صحيبـه

من عظمة الأحداث زاغن الأذهان = كل يشوف بعينه أشيـاءً غريبـه

يارب ياللى خالق كـل مـا كـان = تعطي ليا من العرب شـح جيبـه

أسألك أنا الجنة وطالبك رضـوان = وتفكني من نـار يشعـق لهيبـه

وتجعل لنا مع صفوة الخلق مسكان = يـا شافـيٍ جـرح تعذرطبيبـه

وصلاة ربي عد ما كايـنٍ كـان = على رسـول سنتـه نقتـدي بـه [/poem]

مخاوي الياس

قصيده رائعه

كلها حكم ومواعظ


رائعه بروعة حضورك


صح لسانك


والله يعطيك العافيه


تحياتي


الواصل

قصيده رائعه والله يسكنك فسيح جناته والمسلمين اجمعين اللهم امين


اختك همس المشاعر


http://broq.org/up/uploads/958fcdcfea.jpg