زوجي تاعبني

السلام عليكم ،،
و الله ما ادري من وين ابتدي بالموضوع بس مضايقه عسا القى الحل عندكم
انا متزوجه صارلي 3 شهور و ماخذة زوجي ان حب دام 4 سنوات و خذينا بعض بعد مشاكل و معانااه و رفض الاهل
صارلي خلال 3 شهور اكتشف خياناته لي و اكثر من مرة كله يطلع مع ربعه و يرقم بنات و يعقد يكلمهم تلفون و بي بي ضاقت فيني الدنيا و كل مرة اكتشف موضوع بنت اقوله انا مقصرة وياك بشي يقولي لاانت حبيبتي و زوجتي و ما تقدر استغني عنك ، زين ليش تسوي جذي يقول ما ادري ما اقدر امسك حالي لازم ارقم و الكم بنات تخيلو خلال 3 اشهر و انا توني عروس خاني خمس مرات هذا بسالي انا دريت فيه اكيد فيه غيره وايد ما ادري شنو الحل وياه ،، من اخر مرة دقت علي وحدة نقولي قولي لريلج لا يدق علي انا ما ابيييه و روحي ضبي ريلج وايد انقهرت انه وصلت فيك تهيني لهذا الدرجه و رحت بيت اهلي و قتلهم الي صار بالضبط و كل الي كنت اتحمله و اصبر علييه بس شفت اخر شي انه ما في منه امل يتغير و هوا كان يقولي هالحجي بنفسه انا جذي و ما راح اتغيرت و الحين بطلب الطلاق لان صارلي شهر ببيت اهلي لا دق و لا سأل وياه يعتذر مني و من اهلي ،، و ازيدكم خط تلفونه باسمي جان اطلع برنت و اشووف انه من يوم ما رحت بيت اهلي كلم اكثر من 10 بنات طبعا زدت قهر شلون و انا توني عروس قاطني بيت اهلي و يروح و يطلع و يكلم بنات و حسمت امري ابي اتطلق يمكن خيرة من ربي انه للحين ما في حمل ،، بس نفسياا تعبانه جدا انصدمت فيه يطلع جذي بعد حب طويل و عذاب لين خذينا بعض حتى اهلي منصدمين منه ،، و الله تعبانه ما ادري شسوي ادري طولت عليكم بس يا ترا قرار الطلاق الي خذيته صح و لا ممكن عليه بعدين ما ادري !!!