$$ قصيدة اللواء خلف ن هذال في جندريه 21$$
:
:
قصيدة الشاعر الكبير خلف بن هذال في حفل الجنادريه 21
[poem=font="Simplified Arabic,4,blue,bold,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
على الراعي سلام من الرعية سنة الرحمن =من السنة سلام وللرعية عــــــاش راعيـــــها
رعاه الله إمام المسلمين وللوطن عنــــوان=ورمز ونور نجد وعز حاضرها وبــــــاديهـــــا
حضرنا للتراث اللي يمثل ماضي العربان=ولا يبقى للأمة قيمة من دون ماضيهــــــــا
صحيح ومن قرأ التاريخ يلقابه عرب وأوطان=قرون حافلة ما يمكن التاريخ يخفيها
هلا ومية هلا بضيوف حلوا في محل أخوان=تراحيب المضيف وبالضيوف الله يحييها
ملك وجنادرية والأمان بديرة الإيمان=بلاد السلم والإسلام والمعبود حاميها
بلاد تطعم الجائع بلاد تكسي العريان=بلاد آمنه ما روعت والأمن كاسيـــــها
وفيها قبلة المسلم وفيها من ولد عدنان=نبي قام وأدى رسالته باسمى معانيها
دعا الأمة على المنبر سنين وعلم القرآن =لبر الوالدين أوصى وبالارحام موصيها
وفيها شعب وافي والوفا ورثه من الجدان=على الشدات يرسي مثل ما ترسي رواسيها
وفيها من ملوك العرب من قادوا رسن وعنان=ميامين تحت راية ملبية لداعيها
حموا شبة الجزيرة من جيوش الظلم والطغيان=قيادات تعاقب بأول الهجرة وتاليها
نفوز بشوف عبد الله وشوفه يرضي الزعلان=ليا شفناه كنا نملك الدنيا وما فيها
تهاتف له جماهيره وتعزف له طرب وألحان=أناشيد الفرح بحضور سيدها تغنيها
له الفعل الجميل وله جزيل الشكر والعرفان =تحيات الثناء للقائد الأعلى نثنيها
تغشى سيدي بالورد واليشموم والريحان=على روس الاصابع صاحب الخبرة منقيها
تقدم في طبق لو لو وبروازه من المرجان=هدية شاعر لمربي الاجيال مهديها
ملك نعم الملك شيخ الشيوخ مشيخ الشيخان=ملك كل القلوب ويملك الغالين غاليها
فتح صدره ورحب بالجموع وشرع البيبان=تجي وتقابله وتروح مقنعها ومرضيها
تمد اله القدح فاضي وترجع بالقدح مليان=عزيز النفس وجه وجاه والقدحان ماليها
شجاعة مع كرم والظفر منجا والكريم معان=عيون نذر فيها الشب وعيون يداويها
مواقيفه يسر بها الصديق وتقهر العدوان=على وجهه تباشير السعد تبدي مواريها
ملك مؤمن ملك مخلص ملك مدرك بطل ميدان=هذا صقر العروبة فارس الساحة ومخليها
هذا المصلح هذا المفلح كلام الصدق بالبرهان=سياسة عبقري يرسم الخطة ويمضيها
ملك مد الجسور وخاطب العالم بكل لسان=طرح كل الدروس ومن عظام الراس ممليها
تحرك والتقا بالشرق من ساسة دول وأديان=وله دينه وله رأي وعلاقات ينميها
حكيم الرأي في حسم الأمور يقرر الميزان=ليا طاحت موازين العرب من بين أياديها
يدافع عن عقيدة مالها في العالمين أثمان=كرامتنا عقيدتنا نموت ولا نخليها
علينا ما تهون ومن تخضع للهوان يهان=يشوف الذل ويذوق المرارة عقب حاليها
تحدث عن قضية جوهرية جمدوها أزمان=فراعنة العذاب وبالخراب إبليس مغويها
رموها وتركوها المفسدين بسلة النسيان=تغط بنوم ما ندري متى الدنيا تصحيها
يسومون العرب بديارهم سوء العذاب الوان=عساها للذهاب ويذهب المولى ذراريها
يحل ابها ما حل بقوم نوح بساعة الطوفان=تساوي بالسفينة بأمر مرسيها ومجريها
تعدي ياسفينة وأعبري في حكمة الربان=على بر الأمان مبرمج الرحلة يقديها
حفظك الله ملك ياللي خذيت الشعب بالأحضان=قريب منه وكمومك على العورات مضفيها
على جنبك ولي العهد أخو نايف أخو سلمان=رجل طيب وسخا وإن كبرت القاله يلاقيها
حجا الرمله رجاء الكهل الكبير مغذي اليتمان=تبارك ثم تبارك خطوة سلطان يمشيها
عيال موحد الملك العظيم مشيد البنيان =على الدين الحنيف يسير والنيه مصفيها
صبي توحيد و موحد له قدر ومكان وشأن =يقيم الشفع ثلث الليل والآيات يتليها
صدق من قال خلص حاجتك بالسر والكتمان=ليا بانت خصائص حاجتك وشلون تقضيها
شهر عبد العزيز لما كره مثل أشقر الجنحان=مخاليبه من الفرسان أخو نوره محنيها
حمل روحه على كفه شباب بزهرة الريعان=سواة مغامري من غير أبو تركي يسويها
يبي حلم كبير ومن وراه ودونه الفرسان=نشامى تجتلد والموت الأحمر في يمانيها
ثلم حدب السيوف المرهفات وكسر العيدان=مداغيش العيال اليا اعتزا تسكت عزاويها
هجد فوق الصويتيه وريمه والجمل ريمان=على ظهور الأصايل ياخذ الصحراء ويطويها
هجيج من المضحى للمعشى كنها الغزلان =يموج بطانها ببطونها والليل ضاويها
عرايب من ركايب والركايب من ركاب عمان=تقول إن الوحوش مع الخلا الخالي تباريها
ما جاته بالسوالف والعوافي جت بصفق أكوان=معارك طاحنه والعج شمس الظهر غاطيها
تزوغ ابها العقول الراسية وتشيب الولدان=بها سود النواصي عودت بيض نواصيها
جلا وجه الحياة وغاب وجه الفقر والحرمان=وازال الخوف وأعلن دولته واصبح مسميها
واببعث من فؤادي ما اخترن شوقي من الوجدان=على قوم توارت في سنه ماني بناسيها
فقدنا بالخليج وبالجزيرة للديار أركان =سلاطين تساقط كيف ما نحزن ونبكيها
رحل عنا أربعة والأربعة عدل وعطا وأحسان=من الدنيا خلت ولا تخلت عن مباديها
فهد وشيوخنا جابر وابن راشد وابن سلطان=رجال سطرت لشعوبها مجد يكفيها
رجال الخير والتدبير والتطوير والعمران=بنت بلدانها بني يخلدها بأساميها
ألا يا الله تجزا المحسنين العفو الغفران=تلهمها الصواب ومن عذاب النار تنجيها
إله الكون تمنحنا مزيد الصبر والسلوان=بعدهم وانصر الحيين وادحر كيد اعاديها
كريم القوم إلا اكرمته ملكته لك يصير مدان=هل المعروف لو هي بالقبور الذكر يحييها
وإن اكرمت اللئيم وطال عرفه صد عنك وخان =عليك يدور العثرات والحسنات غاويها
ومن لا يذكر الله يتذكر ما فعل شيطان=ردي الحظ دايم للأذى نفسه معنيها
تحملنا ولا عاد نتحمل والمغطى بان =مبيتة الخدع في حقدها والحقد معميها
ومن ينوي لنا بالشر هذا جاهل غلطان=نقول له أنت جاهل والجهالة لا تطريها
ولا نجهل ولا يجهل علينا كأين كان =ما هي بعلوم جهال حجاويها تسليها
ولا ضاعت حقوق ولا طلب منا حقوق إنسان=حقوق الناس قبل حقوقنا حنا نبديها
صحافات تصدر بالفلس والخزي والخسران=بضاعة فاسدة خسران بايعها وشاريها
دعايات تروجها العدا بالزور والبهتان=خرافة في صحافة مع مهب الريح نرميها
يبري ذمته من قال أنا صاحب قلم فهمان=يفكر في الحقائق يتحقق قبل يبديها[/poem]
اتمنى ان تنال اعجاب الجميع
