قنبــــــــــــــــلة !!!!!!!!!!!!!!!!!

واصل نادي النصر سلسلة نجاحاته في التعاقد مع اللاعبين الأجانب والتي عرف بها منذ سنوات ...

ورغم حزن بعض جماهير نادي النصر على رحيل الثلاثي الأجنبي في العام الماضي .. (( سيزار مهندس

الوسط .. وهدافوه تورينيو وبوسكاب )) .... إلا أن المسؤولين في النادي ... جلبوا ثلاثة لاعبين مبدعين

ومتميزين .... (( تورينو المهاجم الصاعد وصغير السن ... كاريوكا نجم البرازيل )) ...

ثم أطلق قنبلة التعاقداااات ... وذلك حينما تعاقد مع النجم العراقي الشاب ونجم المنتخب الأولمبي الفائز ببطولة

الصداقة والتي حصل فيها على أفضل لاعب .... (( نشأت أكرم )) ..

وبذلك يكون أول لاعب عراقي يحترف في السعودية ..... وسيصل للرياض غدا الاثنين ... بإذن الله

فهل يحقق هذا الثلاثي ما يطمح له محبو النصر .... أم يتواصل غياب النصر عن منصات التتويج ؟!!

هذا ما ستكشفه الأيام القادمة ... مع أول صافرة لبداية الدوري ....

تحياتي للجميع

سهم المنايا

[ALIGN=JUSTIFY]بالنسبة لكاريوكا ونشأت أكرم هي ضربة معلم من رمز النصر الأمير عبدالرحمن بن سعود



لكن بالنسبة للاعب تورونيو فحدث ولا حرج تحركاته ليس تحركات شخص يأمل فيه الكثير ولكن لاعب عادي ووزنه ثقيل ويؤثر على حركته في الملعب


أتمنى أن يحقق النصر هذا الموسم ولو بطولة للناشئين


تحياتي لك[/ALIGN]

السلام عليكم ورحمة الله وبركاته
اخوى المعروف عن نادي النصر انه النادي الوحيد اللي من ثلاث سنوات وهو النادي اللي يجلب افضل المحترفين في الدورى ولكن هذا الموسم تورينو هذا والله مو بمستوى نادي النصر لانه على قولت اخوى فيصل انه وزنه ثقيل وتحركاته سيئه ولو حافظ النصر على اللاعب تورينيو مع الاعبين اللي جو كان افضل ثلاثي محترف بيكون في هذا الموسم والله يعين ويوفقك ...........................
اتمناء لك التوفيق اخوى

هلا فيصل مشكور لمشاركاتك ..

وبالفعل تورينيو الجديد لم يقدم ما يشفع له ... ولكن للعلم فهو يحترف لأول مرة خارج بلاده ... وهو هداف فريقه السابق .... فقط الانتظار عليه ومعرفة ما تسفر عنه الأيام القادمة ...

وبالنسبة لتحقيق النصر لبطولة .. فهو بيد الله .... فإن حقق البطولة فليس بغريب على فارس نجد ... وإن لم يحققها فالكرة فوز وخسارة ...

تحياتي لك

أخوك ... سهم المنايا

أخي الغالي ... تويل العمر

مشكور على مداخلتك ...

وكما قلت للأخ فيصل .... إن تورينيو يحتاج للوقت ....

تحياتي لك

أخوك ... سهم المنايا

ياخي حرامك عليك

طيحت قلبي من الخوف

على العموم النصر يعتبر من افضل الاندية السعودية والخليجية في جلب اللاعبيين الاجانب ..

بتوفيق للعالمي والى نشأت

تقبل تحياتي
حاكم

بالتوفيق انشاء الله للنصر ..

ويقولون ان العراقي الجديد. يقول انه دلوع .


الله يعين عليه .


بس سهومي . ابيك تحضر معي اول مباراة للنصر والهلال . ..

ابيك تشوف جمهور الهلال كيف ينصرعون لاشافوا هجمه خطيره ..



هههههههههه


خكاريه من جد .. المفروض يحطون المدرجات الهلالية للبنات .. بس يفضل بنقاب ..



بدوووووووووري

الله يوفقكم ان شاء الله

وتفوزون ببطوله السنه هذة

وان شاء الله تتعوض السنين العجاف اللي مريتوا فيها

تحياتي لك اخي سهم المنايا

اخوي مجنونها

(( لاحظ انك مشرف في هذا المنتدى والمفروض عليك اخي الكريم عدم التجريح في اخوانك ومها صار هذه كوره فيها خاسر ورابح والامر ما يتعدي))

الى ابعد من كذا يعني جمهور الهلال بنات !!

ما اقول الا سامحك الله وجزاك الله خير

تحياتي لك اخي الكريم وبالتوفيق لنادي الرجال نادي النصر

اخوك

دنيـ الوله ـا

انا ماقلت انهم بنات .. الاغلبيه البنات ..


وبعدين ياخي انا اشوف بعيني .. بعض الجماهير . يجيها إغماء بعد مايجي قول لفريقها .

هذي والله انا شايفها بعيوني ...

بعد ماجاء قول للهلال مع فريق ياباني مادري ايش هو .. طاح حوالي عشرين من الجماهير مغمى عليهم من الفرحه .


ياخي حكم عقلك . وش ذا الجمهور ..

وكوني مشرف لايشفع لي باني لااغلط .. كلنا نخطي وخيرنا اللي يعترف ويعدل خطأه

بدووووووووري

اخوي مجنونها

اولا شاكر لك ردك الجميل وكونك مشرف هذه مسؤليه عليك لانكم انتم يا مشرفين واجه المنتدى واساسه واذا كان اغلبيه جمهور الهلال بنات فهذا شرف لنا يا اخي وش فيهم البنات وبصراحة انا دايما احظر مباريات للهلال ما قد شفت ناس يغمى عليهم يمكن انت تشوف غير اللي احنا نشوفه

الله اعلم

على العموم اخي الكريم الهلال نادي عريق على مستوى الانديه السعوديه والخليجيه والعربيه والأسيويه ومو بحاجه دنيـ الوله ـا يدافع عنه وانا ما انكر ان نادي النصر فريق عريق وغني بجماهيره واكن له ولجماهيره كل الاحترام والتقدير

بس عندي سؤال لك اذا تسمح وتجاوبني عليه بصراحة


وش موديك لمباره الهلال والفريق الياباني

كل هذه وطنيه !!

تحياتي لك اخي الكريم

الصراحه .


والله حدني خويي على شوفتها . ومارحت لها عشان شئ .. لا والله . رحت عشان خويي .. وكانت عندي فرصه . قلت خلني اروح .


فقط لاغير ..


اي اسئله ثانية طال عمرك .

لا مشكور اخوي مجنونها

واكرر اسفي اذا كاني ازعجتك او ضايقتك بشي

وحقك علي اخي الغالي

حاكم العشاق ...... أنا مجنونها .... دنيا الوله .... تحية طيبة لكم ...

أشكركم على مداخلاتكم ....

ولكن بالنسبة للحديث عن النصر والهلال ... فهما من أكثر الأندية شعبية في المملكة بل في الوطن العربي بجانب الأهلي والاتحاد ....

أخي الغالي ... دنيا الوله .. أعجبتني عبارة ذكرتها في ردك ... وهي بالفعل أساس الرياضة ...عندما قلت : (( والمفروض عليك اخي الكريم عدم التجريح في اخوانك ومها صار هذه كوره فيها خاسر ورابح والامر ما يتعدي))

ولكن بما أنك قد استغربت من كلام الأخ الغالي .. أنا مجنونها .... فقد استغربت أنا أيضاً من كلامك على رمز النصر الأول ورمز من رموز الرياضة العربية .. وأقدم رئيس نادي في العالم ... الأمير عبدالرحمن بن سعود ... في أحد المواضيع ... وقلت بالحرف الواحد : (( يا كثر ما راح يقولها ,,, وزي العاده التحكيم ,, بس اثبتت الدراسات ان النثر بمن حظر والدليل الولووووه )) ... !!!!!!

أخي الغالي .. دنيا الوله ... نحن نريد أن ننبذ التعصب ... ولكن يجب أن نبدأ به نحن ومن ثم نطالب الآخرين بذلك .... ألست معي في ذلك ... ؟؟

تحياتي للجميع .... بانتظار رياضة لا تعصب

سهم المنايا ..

اخي الغالي سهم المنايا

انا اشاطرك ما قلت واعتذر مما بدر مني تجاه ابو خالد ورمز الكره السعوديه كلها الامير عبد الرحمن بن سعود وصدقني خطا لم يكن مقصودا


وانتظر معك (( رياضه بلا تعصب )) وهذا صدقني ما اطمحه له واؤيده

واحب في هذة الفرصه ان ابارك لك فوز النصر على الشعله

تحياتي للجميع

اخوكم

دنيـ الوله ـا

أجمل تحية ... وأروع قلة على جبينك أخي الغالي .. دنيا الوله ..

صدقني أن الرياضة بلا تعصب لها طعم آخر ... وإن تركنا الحبل على الغارب هنا .. فستكون معارك لا حصر لها .... !!!!!

وبالنسبة لفوز النصر على الشعلة ... فأقول الله يبارك فيك ... مع إن فوز في مباراة ... لا يمثل لنا شيئاً أمام الفوز ببطولة ... لأن النصر غاب عن البطولااات مدة طويلة ... وحان وقت الحصتد بإذن الله ...

لك أطيب التحايا ..... من أخيك سهم المنايا