السلام عليكم ورحمة الله وبركاته
اولا مبرووكين وان شاءالله انشوف عيالكم يا احلى عرايس .. والفال حق العزوبيات الحلواات الله يرزقهم الزوج الصالح ياارب..
ثانيا اشكر الله على اني انتهيت من التجهيز وسالفة العرس و و و و و و و و :yaaaaaarb:
ههههههه حيل تعبت بس بالاخير الحمدالله كلشي كان حلو ومثل ماابي..:rerrerek:
نبتدي بالتجهيز وطريقة التجهيز..
عروسه حبيبتي انصحج اولا اذا بتروحين تجهزين لازم قبلها تجزئين فلوسج(مهرج) مثلا :
نقول المهر 5 فا حطي 2ألفين ملابس داخليه وقمصان النوم وملابس الطلعه والدراريع والعطور , و2ألفين الذهب لابد منه لاتقولين مو مهم , تبقى ألف راح تكون للنفنوف والصالون
لووول اكيد بتقولين والمصورة و الدي جي و المسكه و و و و طبعااااا مايكفى فا لابد من اللجوء للوالد والوالده .. صدقوني بنات احنا بهالفترة محتاجينهم بكل شي ولازم لان 5ألاف ماتكفي ..
عالعمووم هالشي من شطارتج ..
نروح حق التجهيز **السووووق**
اولا اختاري اختج او امج اذا حيل معاها او صديقتج يعني تكون معاج كلووز عشان لمن تختارين تقولج الصج وتعطيج راييها .. لان عن تجربه اذا بتروحين بروحج راح تملين وتتعبين لانج بتشترين شغلات وايد
مثلا : الملابس الداخليه (القطعتين) اخذيلج مثلا 10قطع الغاليين والي شكلهم كشخه
وبس كافي لاتكثرين لانج ماراح تنحرمين من السوق للأبد ههههه والباجي اخذي الستيانات العاديين العمليين حق مني مناك بس طبعا شكلهم حلو .وصراويل خمطي وااايد مو لازم اطقم لانج راح تبدلين واايد :s141: لووول ..
قمصان النوم اخذيلج كلشي وكل نووع بس بشششششششرط الي يناسب جسمج .. حبيبتي لاتاخذين الشي الي يطلع عيوب جسمج لان الريال يلااحظ وكلشي يعرف يعني اخذي الاشياء والالوان المناسبه ماكو شكله لو خذيتي اثنين ثلاثه واااو وغريب التغيير حلوو ..
نصيحه عرفي زوجج قبل لاتلبسين له ..
مثلا .. في ريال يحب الشي المحتشم ولكن الالوان تغريه
في ريال يحب الفاصخ والعااري
في ريال يحب البجاما العاديه صج بنات لاتنصدمون
في ريال يحب السبورت بالنسبه له هذا اغراء
وااايد وااايد
عليج انج تعرفينه ..
وبس الشي الي يمشي معاهم كلهم الـ ولاشي لووووول ميخالف كلنا كبار مافي مستحى
المهم نرجع .. اي حبيبتي لاتشترين واايد لان مو كل يوووم قميص نوم مرات بتلبسين ملابس البيت مثل البرموده والشورت والنفانيف القصيرة.. ولاتنسيييين انج ماراح تنقطعن عن العالم عاادي بعد شهرين ثلاث ردي للسوق وخمي الي ناقص ..
الحين العطوور: اخذيلج من 4-6 فرنسي ولاتنسين العود والبخور وخااصة المسك الي ماراح تستغنين عنه بعد كل سبحه .. لاتكثرررين لان الريال راح يمل من هالعطور ولازم تغيرينهم بعد فترة
الكريمات واللوشنات لاتنسين وهم لاتكثرين
المكيااج : في بنات موصوب المكياج انصحج اخذيلج علبة مكياج كامله كلشي فيها لان الريال يحب يشووف وخاصة بالبيت لازم تتمكيجين وتحطين .. اما البنات الي خبرة بالمكيااج اهي تعرف شنو تاخذ والانفع لها .. لان انا مو صوب المكياج اللهم ماسكرا وفاونديشن وقلوس وزوجي يقولي اوووله كل هذا مكياج :eh_s(2): الله كريم ههههه
عروسااتي الجميلات نسينااا الشحاطات والكعوبه ... هذيل انتي وطريقتج باللبس والالوان ..واخذيلج كعب حق البيت تلبسينه مع قمصان النوم .. وسليبر القطن مع البجايم بس شكل حلوو وملفت عشان يقول زوجتي مبهررة :eh_s(15):
حبايبي انا كلشي قلته واقترحته كان من تجربتي وكان منبني عالبساطه لان السالفه مايبيلها تهويل والخروج من الشخصيه عشان بتزوووج ..بس الحلو ان كلشي جديد واحبه :)
ان شاءالله في تكمله تابعوني.. :eh_s(17):
