تجربتي بحملي وولادتي وتجهيزي والمستشفى

شلونكم يا حلوات ؟؟

اليوم فيني سوالف بغيت ارد على كذا موضوع جان اقول ليش ماسوي موضوع شامل فيه كل شي


نبدا بحملي ..
حملي كان صعب من بعد اجهاضين وكنت اخذ مثبتات وابر سيوله وخذيت ابرة الرئة
نصيحتي ..

انا كنت اراجع بالسلام عند دكتورة لطيفة الكندري وشهادتي فيها مجروحه
من اول حملي كانت حريصه بزوووود ..
وحملي كان وايد صعب .. بالاول ما بين النبض .. تالي قام اييني طلق وانا بالرابع
بعدين ماي المشيمه قل
ومجلس طبي ورا مجلس طبي

ما جهزت الا متأخر بس كنت استغل التنزيلات

سنتربوينت سوو سيل ..
اخذت منهم فنايل داخليه وفوط البيبي

مذركير
بجامات وملابس طلعه
وهم مذركير عندهم شغله حلوة يسوون على ماركة افينت تشترين ش يين تاخذين الثالث فري
خذيت المصاصات مميات الة الشفط الة التعقيم الة تسخين المميات كلهم نفس الماركة
علشان لا اتوهق المميات ما تركب بآلة التعقيم والا التسخين

انيي للكراسي والحباسه والعربانه
اذا اهلكم وايد واتييكم هدايا نطرو .. انا بدلت شغلات شكثر من مذركير وفلوسهم يابتلي عربانه وكرسي وكل شي

العربانات انسب سعر شفتهم عند تويز ار اس
واخذو عربانه خفيفة علشان لا تتأذون بشيلتها وحطتها ودزها

كفر ولادتي خذيته من زارا هوم لونه سهل سلفر وسعره مناسب بس بدون اكسسواراته لان وايد غالين كانو وحسيتهم ما يسوون
كملت الكوشيات والشراشف والثرو من كل قطر اغنية ريد تاق نكست بنتا .. بالاخر طلع شي حلو ومرتب وشحلاته المهم الذوق

جيسة البيبي والجناط ولحاف كشخه طلبتهم من النت ارخص وماركات احلى من هني

وطلبت بعد مهادات اللصق وااايد مفيدين اذا كنتو تمهدون ..
انا ما امهد الا اول اسبوع بس مجربتهم حق بناتي الكبار من قبل وايد زينين


انا خذيتلي قميص واحد من ايفوري الي بمجمع النقره حلو ماعم شحلاته
افتريت 100 مكان ماحب لويه وستانات وشغل اول هذا قطن ناااعم
وبجامات مارك سبنسر سي كي دبنهامز مع اروابهم علشان اذا احد حب اييني البيت


اشوف بنتي الي تبجي واكمل انشالله