-
أستشارة لو سمحتو
اغنام - ابل - دواجن - طيور
يا إخوان أنا عندي عدد 17 رأس من الغنم ضأن طبعاً وصحتها زينة بس فيه بعضها يكح كحة قوية بين فترة وأخرى وسألت البيطري وعطاني علاج قال حط منه مقدار فنجان قهوة مع الموية وقال هذا العلاج يعتبر زي التطعيم وقال هو علاج للكحة ولسيلان الأنف الرعام أكرمكم الله .
بس خفت أعطيه للحلال لأن فيه الدفيع أو المضرع حسب إختلاف اللهجات وفيه غنم توها مواليد وصراحة تركت الغنم بدون علاج إلى الحين والعلاج باقي عندي ومتردد أعطيها العلاج .
وبعد وصف لي علاج أظن عبارة عن سطل صغير لونه أصفر ومكتوب عليه مجموعة فيتامينات ضرورية للغنم وجميع الحيوانات المهم كل العلاج عندي موجود وما عطيت الحلال منه شي .
العلاج الأول عبارة عن علبة بيضاء اسطوانية الشكل ومكتوب عليها (pharma SULPHADIMIDINE sodium 20%)>
العلاج الأثاني مكتوب عليه (فارما سوبرفيتا مكس بلس)هذا الفيتامين .
المهم نصائحكم ويش أسوي الحلال زي ما قلت صحته زينة ولله الحمد بس الكحة ويش سببها مدري وخايف عليها بعضها دفيع وبعضها توها والدة من اسبوع وبعضها من يومين المهم فزعتكم والله يعطيكم العافية على كل حال .
Hsjahvm g, slpj,
