بمجرد رجوع كانيدا للتكتيك العقيم رجع الاتحاد الباهت

السلام عليكم

زي ماهو مكتوب في العنوان ياخوان اخر 3 مباريات الاتحاد قدم مستويات جميلة الاهلي +الهلال+الرائد

لان كانيدا اعتمد على الشباب فيها وتفائلنا خير بالمستويات وقلنا الاتحاد حتى لو مافاز نحن في صدد بناء فريق شاب ينافس حتى لو بالمستوى

لكن اليوم كانيدا رجع لتكتيكه القديم وزاد الطين بله باشراك الطريدي واصراره على مشعل في الظهير الايسر فقتل كليا اطراف الاتحاد لانه الاثنين حرام فيهم كلمة لاعب بالذات مربوش الطريدي والله حرام يلعب في الاتحاد سبق ان لعب في الاتحاد واثبت فشله وجابوه تاني عشان يكمل فشله

كانيدا اتمنى بعد مااعطيت عبدالمطلب فرصة انها تكون الاخيرة ويكون اول المغادرين

راشد الرهيب اصبح جاهز

استغرب من كانيدا دكة البدلاء عنده مافيها احد وماياخذ ابو عبيد ولا راشد خلاص رجعو التمارين وانتظمو انت محتاجهم خذهم معاك ياخي

كانيدا نقط الضعف واضحة وضوح الشمس وانت بتصر عليها


المنتشري اليوم نجم اعطوه حقو شكرا مونتي هذا هو اللي ناقصو يرجع ثقته في نفسه وراح يرجع وهو في الطريق الصحيح


محمد نور ماقصر حاول لكن مااظن حيدي اكثر من كده نستفيد منه ورقه رابحه

شافي الدوسري لمن يرجع خلاص جا وقت اللي يلعب فيه ظهير والحريري انا ماادري ايشبو كانيدا عليه شكلو ناوي يسويلو زي ابو عبيد وبعدين نسمع الحريري ماانتظم في التمارين كانيدا بداا اسلوب التطفيش المعهود


زبدة الموضوع

ناس اثبتو فشلهم في اكثر من فرصة ولسة بيلعبو وناس تتمنى الفرصة ولاتجدها الم يحن الوقت عشان يلعبو


الطريدي +السعيد +الزبيدي out

اعطي فرصة لشراحيلي وعبدالله مجرشي والعمري وخلي شافي اساسي كظهير ايسر وعندك الرهيب احتياط لابراهيم

وخلصونا من الهم


مانقول الا الحمدلله بس