سيفقد الهلال الدوري بسبب (صانع اللعب- صانع اللعب- صانع اللعب)....>>؟!

مساء الخير جميعآ
وهاردلك على الخساره الغير متوقعه
من المنافس الحقيقي على الصدارة والدوري
بعتقادي مثل ماموجود في العنوان سبب خسارة الهلال
من الفتح ((صانع اللعب او الالعاب)) وفي كثير من المباريات
خسرنا بالتعادل والسبب ذاته واعتقد الكثير أشار لهذا الامر
في مواضيع عدة والدليل على أن صناعة اللعب لها هذا التأثير
القوي والمباشر في نتائج أي فريق انظر للاهلي العام الماضي
كان الكل يقول أقوى هجوم فيكتور وعماد الحوسني والآن ماذا
يقولون لهم أفشل مهاجمين والسبب تواجد كماتشو افضل صانع
لعب لحد الآن بالدوري وفقده الاهلي العام الماضي وصار هجوم الاهلي عقيم ولو نظرنا كذلك للفتح نجد ان
خوزية اولتون سبب فوز الفتح بمباراة اليوم وفي كثير من المباريات
والسبب إجادته لصناعة اللعب والاهداف وجنن الهلال اليوم
بسبب تمريراته الساحره يمكن يقول البعض الهلال أقوى هجوم
وأكثر أهداف بقول لك ليس مقياس صحيح لأن مهاجمين الهلال
لاعبين مميزين وخاصه ويسلي لوبيز وياسر القحطاني لاعبين
مهاجمين وصانعين لانفسهم ولبعضهم البعض ولذلك نجد كثرة
أهداف الهلال ولكن لو كان هناك صانع لعب حقيقي في الهلال
مثل كماتشو أو اولتون أو غيرهم راح تجد أهداف الهلال تفوق
ال60 هدف رقم قياسي والسبب أن عندك مهاجمين كبار وفنانين
مثل ويسلي وياسر بيونق سو ...
وأعتقد الآن المدرب يعرف أنه بحاجة لصانع لعب يجب يكون
حاضر بفترة التسجيل بيناير ضروري ضروري ضروري
انظرو لويسلي يوم يرجع ويرجعه المدرب ليه وهو مهاجم
لايوجد صانع لعب حاليآ في الهلال صانع لعب واحد وهو
في الاحتياط وفي أواخر عمره هو الشلهوب ولكن لاعبين
مثل الدوسري والعابد والفرج صحيح مميزين ولكن ليسوا
بصناع لعب أبدآ اليوم الكثير بيلوم هجوم الهلال انه نايم
بينما لو تعيدون المباراة كاملة لاتوجدون فرصه مصنوعة للمهاجمين صح
الا واحده من عبدالعزيز الدوسري للكوري سو وسجل منها هدف
لابد من إدارة الهلال التفاهم مع المدرب على جلب لاعب برازيلي
صانع لعب ولايستغنون عن مشورة ويسلي لوبيز لانه لاعب كبير
ويفهم وأكيد يعرف لاعبين من بني جلدته ممكن يفيدون الهلال
اما بدون صانع لعب لن يحقق الهلال لا الدوري ولا اسيا
وانا أعتقد فرصة الهلال تضاءلت بالدوري بتقولون ليه
بقول لكم الفريق المنافس لك إستطاع ان يكسبك مرتين رايح جاي
وحاليآ كل الفرق في أسوء حالتها وفرصه لها انها تجعل الفتح
البطل نكاية في الهلال وبخاصه الاتهاد والاهلي لأنك خليت أمرك
في يد غيرك ولم تأكل بيدك....

وبالتوفيق للهلال في قادم الايام...