(حزم ظلوعك يابحر )قصيده لشاعر: خالد الشلاحي .وهذا ردي/أبشر بعزك خل عنك آمركاء وسويسرا
[align=center]
_________
الشاعر
*خالد الشلاحي
.........
والحكم خله للرجال اللي يردون الــــــــــبرا
وقال .
.
بعد استمريت بكتابة هالقصيده ساعتيـن
........ من يقدر يفسر معاني هالقصيده ياتـرا...؟
_________
قلت
له
( الحكم للي سخـر الفلـك وجعلهـا تبحـرا)
و
انا كتبـت إلـك القصيـده هـذي بدقيقـتيـن
..........وفاهمك وش تقصد ولكن خلها فـي ماتـرا../
_______
إليكم
التفاصيل
________
[/align]
[poem=font="Simplified Arabic,4,black,bold,normal" bkcolor="transparent" bkimage="backgrounds/14.gif" border="groove,6,gray" type=2 line=0 align=center use=ex num="0,black"]
حزم ضلوعك يابحر
________
.
يابحر بكره حزم ضلوعك وابيك بكلمـــــتين= والحكم خله للرجال اللي يردون الــــــــــبرا
هل يعقل نغش الضمير ونقتدي بالضايعـــين = وهل يعقل نشبه مـــــوازين الثريا بالـــــــثرا
مدخلك بالله يابحر وين الشعـــر والناس وين = هل هو مجرد ليل خيم فوقه الصبح وســـــرا
العام ماكنا نشـــــــــوف الا ثلاثـــــه أو ثنين = والحين ماشا الله كل الناس يابحر اشعـــــــرا
الى متى تقعد كذا ساكت ومـــكــتوف اليدين = يابحر نزل لك خبر كامل ودين اللي جـــــرا
يابحـــــــــــر حنا نقتدي بالاولين الســـابقين = كلمــــة حداثه تنكتب عند الملا ماتنقــــــــرا
كلمة حداثه طيروها واقبسوها شاعــــــرين =احدا درى باسماؤهم واحدٍ مغمض مــــادرا
عشرة اسامي مدرجه منها ثلاثه نازحـــــين = مامنهم اللي يوم دش بسوقها باع وشـــــــرا
اكبار سن وللاسف مستشعرين وناقصــــين = اطيبهم اللي من ثمان اسنين جرحه مــــــابرا
رسمت خطة حرب واعلنت التحدي مرتين = وانا بوضحها عدل عشرة رجاجيل اخشـــــرا
وبوجه الضربه واهز المهزله والله يعــــين = لو ضربة امريكا تهز سويســــرا وانجلــــترا
بعد استمريت بكتابة هالقصيده ساعــــــتين= من يقدر يفـــــسر مـــعاني هالقصيده ياتـــرا.؟
قلت الحقيقه والحقيقه في عيون الطـــــيبين= وعزالله اني ماحسبت احساب رجــــــالٍ زرا
ويابحر لاتقعد كذا ساكت ومكــتوف اليدين = يابحر نزل لك خبر كامل ودين اللي جــــــرا
العام ماكنا نشـــوف الا ثلاثــــــــه او ثنين = والحين ماشاء الله كل الناس يابحر اشعـــــرا
.
خالد الشلاحي
_________[/poem]
[poem=font="Simplified Arabic,4,black,bold,normal" bkcolor="transparent" bkimage="backgrounds/14.gif" border="groove,6,gray" type=2 line=0 align=center use=ex num="0,black"]
ابشر بعزك خل عنك( امركاء وسويســـــرا)
____
.
يابحر موجك موج واعماقك بها شينٍ وزي= والحكم للي سخــــــــر الفلك وجعلها تبحــــــــرا
يابحر لحظــــه. شاقني قافٍ على راءٍ واين= قلت ابعارض خالد الشاعر على اينٍ .. ورا
اما كسبنا المعركه.. والا اعترف انه فطين= والا كشفنا انه مع ابو زيد بالورث اخشــرا
واللي على ظهر الأصيله لايحود عن اليمين= ان ماثبت في ماقفـــــــه يقدم ولا يرجع ورا
وترا الحداثه ماعرفوها اجدادنا الاولين = صدقت والله ياشــــــلاحي لكن الله واكبرا
كم واحدٍ يعجن قصيده تقل يعجن له طحين = ويصفقو له عصبته مبدع وفعلن طـــــــورا
من دون ذكر اسماء وبكره كل خافي لك يبين=ريح ضميرك وانتبه يعطون لك كرت احمرا
وان كنت ناوي تقصف ام المهزله جاك العوين= أبشر بعزك خل عنك( آمركاء وسويســـــرا)
أنا حليفك ذي يميني وانت مد الي اليمين = والله يلعن من يعاهـــــــد صاحب وينكس ورا
وميعادك اما في حولي او بحي القبلتين = بـ 20 فـــــــــبراير أو بداية ســـنه بم القرا
وترا على قول المثل واعد وعد الحر دين = والمكــــر من طبع الحصين ابو ذنيب الأزهرا
وانا كتبت إلك القصيده هذي بدقيقتين = وفاهمك وش تقصـــــــد ولكن خلها في مـــاترا
وان عودت ياصاحبي من يملك الشي الثمين =ماهو مثل من صار ملكــــه ماكساه من العـــرا
والفرق واضح بالعباد.. وبالبلاد.. وبالسنين = والديره اللي مـــــابها ضلعان ينقصــــــها الذرا
والبحر موجه موج واعماقه بها شينٍ وزين = والحكم للي ســــــــخر الفلك وجعلها تبحـــــــرا
.
.
عايد السميري
________
[/poem]
