بالتاسع شوفوا شقالتي الدكتورة
السلام عليكم
بنات انا بعد يومين ادخل اسبوع 37 يعني الاسبوع الثاني من التاسع و اراجع عند دكتورة نداء بو خضور برويال حياة و الحمدلله بكل مراجعاتي تقولي كل شي تمام و اخر مراجعة كانت قبل 5 ايام كنت بالاسبوع 36 بالضبط قالتلي انه وزن البيبي كيلوين و 400 جرامو قالتلي انه الوزن زين و وضع الجنين زين و الراس قعد ينزل الحوض و كل شي ممتاز
صارلي جم يوم ما انام من الحارج متعبني حييييييييييل و زوجي مو راضي اييبلي شي من الصيدلية يقولي خلي الدكتورة تكتبلج اظمن لانه يخاف يضر البيبي ، ومافيني صبر لي بعد جم يوم موعدي مع دكتورتي نداء لانه جد متعبني الحارج خصوصا بالليل ما انااااام:eh_s(2): قلت اروح طيبه كلينك بما انه قريب علي ادش عالدكتورة و اقولها عن الحارج و تكتبلي وصفه
رحت و يريتني ما رحت :eh_s(2):
سوتلي سونار جان تقولي حجم البيبي اصغر من عمره باسبوعين :eh_s(2):
و قالتلي بحولج على مختص بالسونار يشوف الوضع عندج ! الصراحه خرعتني و طلعت من عندها وانا ابجي و خايفه و مارحت للمختص تحت ولا اخذت دوا الحارج من الصيدليه رديت البيت على طووول وانا خاااااايفه
بنات منو عندها خبره بهالموضوع و هل عادي يكون عمرها اصغر باسبوعين و شنو لازم اسوي ؟ انا دكتورتي قالتلي امشي كل يوم ساعه عشان تسهل ولادتي الحين خفت مابي امشي مابي اولد و البيبي ناقص :eh_s(2): قولولي شسوي
ادري قرقت وايد بس شسوي بفضفض :eh_s(2):
