¦¦ وصاتي لك بعد موتي ¦¦ للعشاق فقط ¦¦
انقل لكم هذه القصيده التي للأسف لا أعرف من صاحبها..
والقصيده عباره عن شخص على فراش الموت وهو يوصي أحد أصدقاءه على حبيبته
[poem=font="Simplified Arabic,6,black,normal,normal" bkcolor="white" bkimage="" border="double,4,deeppink" type=0 line=0 align=center use=ex num="0,black"]
وصاتي لك من بعدي تموت فيها علشاني =
ابيها تعيش و تحيا بك واظل بالذاكره مفقود
وصاتي لك تنسيها ملامح وجهي و تنساني =
وتعزفها قصيدة حب على عكس اللي عزفته بعود
وصاتي لك تبعدها عن اشعاري وقيفاني =
تراها مغرمة بالحيل ويشهد لي عدد الردود
وصاتي لك تسايرها ترى فيها من احزاني =
طلبتك لايضيق بالك طلبتك والطلب مردود
وصاتي لك تناديها حياتي..عمري ازماني =
انا عودتها دايم ادلعها وانا موجود
وصاتي لك تعاملها بطيبه قلب واحساني =
تراها تذرف الدمعه ودمعتها بليٌا حدود
وصاتي لك تحفظها سور وآيات قرآني =
وتخبرها عن الميت رحل لايمكنه بيعود
وصاتي لك ترسمها على قبري وأكفاني =
ابيها لوحة تبقى على طول الزمن محدود
وصاتي لك تمازحها وتشوف الضحكة بأسناني =
سعيتك ياضحك هالكون طلبتك لاتصير جلمود
وصاتي لك تقهويها من دلالي وفنجالي =
تراها تعشق السمرا ويكفيها دخون العود
وصاتي لك تركبها على خيلي وعلى حصاني =
وربي فارسة من قلب شهادة ماهي لشهود
وصاتي لك تسفرها بلاد الشام و لبناني =
ترى يحلالها تقطف ورده وردة من بلد الورود
وصاتي لك تراقصها على الحان رحباني =
ترى فيها عرق خالة وفيها من جنون السود
وصاتي لك تحببها فأبونورة بعد هاني =
وتنسيها ندم غلطة انا فيها ترى المقصود
وصاتي لك تكرهها في تاريخي و عنواني =
أبيها تلعن اللحظة وتلعن كل فرح موعود
وصاتي لك تكلمها عن المجني وعن الجاني =
وتخليني انا الظالم وانا من حرق الاخدود
وصاتي لك تشبهني بدم أحمر قاني =
وانا هالقاتل السفاح مجرم من عصر نمرود
وصاتي لك تحلفها تتوب تحبني ثاني =
ترى يكفيها ماعانت ويكفي حيلها مهدود
وصاتي لك تنسيها وصية قالها لساني =
أنا اخبرك رجل موقف وانت قدها وقدود
صديقي مالقيت غيرك يعرف وشلون تنساني =
أمانه ضمها بقلبك ترى خالد رحل مايعود[/poem]
فارس غرابيل
