استخدمتي زيت وضر شعرج او مافادج تعالي شوفي السبب

صباح الورد لكل الوردات الحلوات

قط استخدمتي زيت طيح شعرج او ماستفدتي منه !
او سمعتي حد يقول مافاده وحد ثاني استخدم نفس الزيت ويمدحه من الفايدة والنتيجة الحلوة!

انة عندي قناعة ان مافي زيت مو مفيد بالذات الطبيعي
مستحيل يكون العيب من الزيت واهو فاد غيري
بالرغم من اختلاف نوعيات الشعر ..
الا مايكون الغلط في طريقة استخدامج للزيت

مثلا الشعر الدهني مو محتاج تغرقينه بالزيت
حطي كمية قليلة وتناسب شعرج

اما الشعر الجاف محتاج كمية تخليه يترطب
بشكل ممتاز .. بس مو لدرجة ينقط على ارقبتج
يعني بشكل معقول

و في طريقة انة اعتمدها من فترة ولاحظت الفرق
للعلم انة شعري دهني

مااحط الزيت بروحه على شعري ..طريقتي كالاتي

1-لازم الشعر يكون ندي يعني و ناشف ..يعني ربع رطب
تقدرين تبلين يدج بالماء وتمررينها على شعرج او
تستفيدين زيادة وتسوين لج بخاخ اعشاب وانة شخصيا
دايما اغير وارشح لكم البقدونس والزعتر والسدر


2-اخلط زيت مع جل بكمية متساوية واسخنه عشرين ثانية بالمكرويف
انة شخصيا استخدم جل الكثيرا وانتو ممكن تستخدمون جل الكثيرا او
الصبار او القطون او بذرة الكتان او اي جل عشبي واثقين من فايدته
وهاي النقطة ضرورية للشعر الدهني وخيارية للشعر الجاف

3-التدليك لمدة عشر دقايق مع ذكر (بسم الله الشافي المعافي)
4

4- في غسل الشعر انصح باستخدام شامبو طبيعي او مخفف بصابون الغار
او اذا مالج بالحوسة خففيه بالماي

5- واخيرا لاتمشطينه واهو رطب خليه ينشف اشوي بس
مو بشكل كامل

وبالاخير هذا الموضوع كتبته من عندي مو معلومات من مكان ثانية الهدف الافادة لكم
والي عندها اعتراض على اي نفطة النقاش مفتوح واتمنى لكم شعر صحي وجميل