بنات حبيباتي بخبركم سالفتي ممكن دقايق من وقتكم

السلام عليكم

في البداية حابة اشكر كل وحده منكم على تكاتفكم و دعواتكم و مساعداتكم لبعض في ميزان حسناتكم يا رب

و من هالمنطلق حبيت اني اخبركم عني واعتبروني اخت لكم ولاتبخلونوعلي بنصايحكم و دعواتكم


اختكم تزوجت من ولد عمها قبل سنتين كنت 22 و هو 26 و تزوجنا عن حب من الطفولة

في فرق فالطبيعة طبعا هالشي لابد منه في كل البشر .. انا اجتماعية صريحة و طموحة اهم شي عندي الاحترام و الاسلوب

هو انطوائي بيتوتي اصدقاءه 3 او 4 .. غير طموح ..نوعا ما كسلان .. والحمدلله عندهوايجابيات يصلي ومايدخن ولايشرب ولا يسهر. والحمدلله

بعد ما ولدت قبل سنة تقريبا بدت المشاكل تزيد بينا
تغير مكان شغله قبل مسافة نص ساعه من البيت(ساكنين مع اهله في غرفة ) الحين مشوار ساعه و 40 دقيقه تقريبا (بالتحديد في امارة ابوظبي اللي تبعد وايد عنا نحن فالشمالية)

طبعا يطلع 6 الفجر ويرجع 6المغرب ..يغمضني بصراحة يرجع منهد حيله ماله بارض لشي وانا ما الومه بالعكس احن وازن عليه يشلنا معاه بوظبي خاصة انا تخرجت من الجامعه هالسنة وبعد موت وافق ( مع ان ريلي ما يحب الحوار ولا التفاهم لكن اختار الوقت المناسب و اسويله مساج اهدي اعصابه وافتح معاه موضوع و ماتعرفونوكيف اعاني من هالسالفه ) المهم اليوم بيروح يشوف مكان احتمال ناجره

دعواااااااتكم يا خواتي الحبيبات الله يكتب لنا ننتقل معاه ويعجبه المكان وتتيسر امورنا
والله اغلب مشاكلناولان ما بينا حوار ويرجع دايما تعبان حتى ماله نفس يسولف معاه ولا يلعب مع ابنه وانا ما الومه ..عسى ننتقل وتتغير حياتنا يارب..حتى العيشة في غرفه وحده صعبه وانتيةعندج ولد كمل سنة من نرتب يخيس الحجرة ومانقدر نطالع تلفزيون لان للاسف عودته يرقد في الهدوء وهاي غلطتتي و ريلي كان من النوع اللي كل وقته يالس فالبيت يطالع تلفزيون ...

وابغيكم يا بنات تنصحوني من خبراتكم

كيف ارجع اكسب زوجي اللي تغير بعد الولاده ...انا اعترف اني غلطانه معاه احيانا اطلع منوطوري و اعصب غصب عني خاصة هوواستوى من النوع اللي يحب يستفزني وكنت لما يستفزني استفز واعصب صار ما يهمه زعلي رضاي ولكن انا دايما احرص ع رضاه وهو يرضى بسرعه نفس الاطفال العنيدين

كيف اكسبه كيف اغير اطباعه كيف اغير عصبيته ..يا بناتةوايد مزاجي ماتعرفونوكيف .. يدور زلة عشانويسوي مصيبة ،، اكتشفت بعد ان ماعنده ثقة بنفسه لان هو قصير القامه الوحيد من اخوانه مع ان هو اكبرهم دايما ينتقد نفسه
ع فكرة هو شمالي شرقي
دايما يقولي اظغفي اظغفي ويطنز علي وزني 66
انا اللي ينتقدني ما اتشجع لو يقولي باسلوب حلو اكيد بتشجع لكن هو يجيبها باستفزاز و انه يعيب علي طيب انا حملت و ربيت

وسالفة الانتقال وايد شاغلة بالي ادعول يابنات ولكم بالمثل يارب


اسفة يمكن ما رتبت كلامي و لكن اتمنى فهمتوا علي وماتبخلون علي


اختكم

حنين القلب