الغلط منهم .. او العيب منا ؟؟

السلام عليكم ,,,


دايما في تسائلات في بالي عن بعض المواقف الي تمر واسمع واهي مو عندنا بس لكن اشوفها حتي بالمجتمعات الخليجيه

التسائلات هذي علي وزن ..( العيب فينا .. ولا الشطارة فيهم )( شنو هذي الجرأه الي فيهم )

الموضوع باختصار :

جرأه بعض الزوجات العربيات والاجنبيات علي الزوج الكويتي .واهله

. ( وانا اكرر البعض مو الكل )

خواتي لب الموضوع .. الي ابي اوصله هو السيطرة والجراه حتي علي عائله الزوج

- الزوجه المتسلطه استولت علي البيت وحذفت زوجته الاولي وعيالها بالملحق

- تزوجها فتره وقدرت تجبره علي تطليق زوجته الاولي

- اجبرت الزوج علي هجران امه وابوه و و و و


طبعا هذي التصرفات مو وقف علي الزوجات الغريبات .. فيه من بناتنا الي نسره وما ترحم

لكن بناتنا عايشين بين اهلهم وبمجتمعهم يعني وفيه لهم سند وظهر يبرر لنا سبب جرأتها

لكن الزوجه الغريبه مقطوعه من الاهل ومع ذلك البعض منهم تتجرأ وتطول لسانها وتتحدي بعد

واذكر زوجه عربيه تتحرش بشريجتها الكويتيه لدرجه ضربتها لما شافتها عند وحده من الجارات الي كانت عازمه جاراتها كلهم من بينهم الزوجتين هذيلا

ووحده ثانيه تتحرش ببنات عم زوجها وانه فضلها عليهم مع انه سبق وخطب منهم الخ الخ

طيب يا بنات خلونا نقلب السالفه .. لو كانت العادات تسمح لنا بالزواج من عربي
- كنا نقدر نسيطر علي عائله كامله ؟؟
- كنا نقدر نحمي هالزوج من محاولات خطفه من احدي بنات بلده لو حطت العين عليه ؟؟
- كنا نقدر نخليه يطلق زوجته الاولي ويرميها ببيت اهله او بأي شارع ؟؟

لكن ارجع واحمد ربي ان عاداتنا ما تسمح لنا بالزواج منهم ولا كانت

تعتقدون الجراه الملحوظه منهم شطارة فيهم ... ولا العيب فينا وفي تساهلنا بحقوقنا ..

اتمني محد يقولي السالفه سحر .. :p ... اهو نعم له دور لكن ما يعمر ..

حبايبي يا ليت ردودكم تكون موضوعيه ومنطقيه ..

تحياتي لكم ..