نومك طرب وانا بنومي هواجيس,, ماسامرك بالليل كثـر الهمومـي
أسهر اليا نامت عيون الهداريس,, بالليل أساهر ساهرات النجومـي
أونس بقلبي مثل صلو المحاميس,, الله يلوم اللـي لحالـي يلومـي
أشوف عدلات الليلـي معابيـس,, ولاحد من الدنيا عظامه سلومـي
تضحك وتخفي لك خفي الهناديس,, تفطر لنا يـوم ويـوم تصومـي
اعمل وتلقى وافهم العلم بالقيـس,, دنياك لو زانت تراهـا نقومـي
قالوا جهلت وقلت جهل بلا قيس,, الجاهل اللي مايعرف اليمومـي
من لايدوس الراي من قبل ماديس,, عليه داسـوه العيـال القرومـي
ومن لايقلط شذرة السيف والكيس,, تبدي عليه مـن الليالـي ثلومـي
ومن لاخذ الدنيا بميـز وتقييـس,, مثل الذي يسبـح بحـر يعومـي
البني مايصلح على غير تاسيـس,, ومن لاتعلـم ماتسـر العلومـي
كل القلم من كتبنـا بالقراطيـس,, وركابنا من كثر الادلاج تومـي
ولاخير في كثر الحكي والتماليس,, وقول بلا فعل يجي به وهومـي
والعز فوق معسكرات السواديس,, اليا قصدت اللي بالاشيا رحومي
بالليل أصالي حاميات المحاميس,, والصبح أصالي كل قبا قحومـي
وصلاة ربي عد رمل الطعاميس,, وعلى شفيع الخلق يوم اللمومـي
عد النبات وعـد ذار الطعاميـس,, واعداد مايمطر سحاب الغيومـي
هذه القصيدة تدرس في السياسه في جامعات امريكا :
من لايقلط شذرة السيف والكيس,,, يبدي عليه من الليالي اثلومـي
هذا المصطلح يدرس في السياسه في الجامعات الامريكيه واصبح مصطلح تتعامل به امريكا
مع كثير من الدول وكثير مانسمع به وهو مصطلح(العصا والجزره)
