المعتقل لبنى بنت الحارث( الثانويه) ؟؟؟

السلام عليكم

ياجماعة الخير مو معقوله هالمدرسه ورب الكعبه انها اشبه بمعتقل

تعامل الوكيلات مع الطالبات سيء الى اقصى درجه

كله اصراخ وتهزيء بنات بهالعمر اشلون اعاملونهم بهالطريقه ؟! حسبي الله عليهم

من اداره .. بالاول قلت يمكن صدفه اللي شفته وهو ان الوكيله الثانيه قاعده اتصارخ ع البنت

انا مدري شنو قصتها معها بس شفت البنت لما دشت عليها بعد ما طقت الباب وقالت لها الوكيله

تعالي قالت البنت هلا ؟ اطلقت الوكيله زمارتها جنها شايفه عدوه وقالت هلا بعينج هلا تقولينها

هناك في بيتكم قولي نعم>> هذا وهي قايله هلا عيل لو قايله شنو >> اكيد انحرتها لامحاله

المهم الحادثه هذي شايفتها انا من فتره لكن بعد جذي صرت كل مره اجي اطلع بنتي

او اخذ طبيه اشوف العجب من الوكيلتين

ماعلينا الثنتين اقل مايقال عنهم انهم سجانات ع هالصراخ وهالاسلوب الغبي اللي يتعاملون فيه

مع البنات

ايضا يتعاملون مع وليات الامر بالذات بقلة ذووق وعدم احترام

مثلا انا مره جايه اطلع بنتي تعبانه ومخليتها تداوم علشان الامتحان ولما كلمت شؤون الطلبه

قالولي راجعي فلانه ولا فلانه اللي هم السجانات صاحبات الاصوات العاليه

ولا القى وحده منهم بالممر مستلمه طالبه وتصارخ عليها وماتبي تسمعها بالمره
وتقولها يلا روحي والبنت قسم بالله وجها رايح وواضح عليها التعب
وردتها وهي تصارخ وماحاولت حتى تسمعها حسبي الله عليها من اداره

المهم رحت للسجانه الثانيه ولا تقولي شايفتنا فاضين >> يعني حق تطليع بنتي
ورانا اسئله وشغل >> طيب انا اشدخلني بشغلج وخرابيطتج وتتكلم بطريقه اقل مايقال
عنها غير محترمه

طبعا انا سكت لاني نويت اروح للمنطقه واذا ماشافولهم دبره معاهم والله لاوصلها للاعلى
وافضح هالمدرسه اللي من بره هالله هالله ومن داخل عليها لعنت الله >> استغفر الله بس
يطلعون الواحد عن طوره

المهم منا لوزير التربيه سنع ادارات هالمدارس اللي فاكرات انهم تسلطوا ع هالبنات
ترى الاهل اذا اسكتوا مره ماراح يسكتون المره الجايه مصخووهاااااا حسبي الله عليهم

المشكله انهم من فتره وزعوا ع البنات اوراق يسالونا فيها كـ اولياء امور عن المدرسه
وعن ادارة المدرسه > ياربي شنو هالثقه
عن نفسي قلت الحقيقه وشرشحت الاداره وقلت اللي عندي واعتقد ان كل اولياء الامور مثلي
بس طبعا واكيد من الصدمه قطوها بالزباله

وع فكره هالمعامله مستثنين منها جم بنت اعروقهم بالماي
المهم انا ميته من القهر منهم >> الله يقهرهم بنفسهم ان شاءالله

واتمنى كل ام لها تجربه مع هالمعتقل تتكلم وتقول علشان يوصل الصوت هذا
اذا الله اراد ووصل

والسلام عليكم