قصة جمهور النصر في الملعب قبل مباراة الحد
بسم الله الرحمن الرحيم
ما حدث في ملعب المحرق امام الحد لنا كجمهور
وصلنا الملعب الساعه الخامسه مساءا قبل المباراة
بساعه ونصف وكان معاي ولد عمي ويوم إنا بنشتري
التذاكر ونبي ندخل أشوف جمهور النصر كله برا ومستغرب
واقول لولد عمي ايش فيه جمهور النصر واقف برا
ومشينا ونسأل عن شباك التذاكر وعلى نيه دلونا ويوم قلت أبغى تذكرتين
قام رد علي على طول ميتين قلت له وش هو قال ميتين 200 نعم ليش
قال سعر التذكره 100 وليش يا بن الحلال قال انتوا بعتوا لنا التذاكر الواحده بميه وخمسين150
قلت له كذاب ميه وخمسين هذي عندنا v i b وثانيا اللي جو عددهم ما يتجاوز 5 أشخاص ودخلوهم ببلاش
ومن بوابه خاصه بعد .المهم سكته وقال والله مو من عندي وتلقائيا عرفت ليش جمهور النصر قاعد برا
ورحت مع المتجمهرين لقيتهم مع حقوي وواحد الله يذكره بالخير ما عرف منهو كان لابس ثوب ابيض وغتره بيضاء
وهادي جدا ويتفاوض معهم داخل ويرجع يقول بحلها لكم يا شباب اهدوا وانتظروا .الله يعطيه العافيه
المهم شفت الجمهور كله معترض واحتجينا كلنا ما عدا بعض الاشخاص اللي دفعوا ودخلوا
وبعد شد وجذب قالوا بنعطيكم خمسين تذكره مجانيه وحن عددنا وااااجد
عطوها حقوي وجاء ياخذ راينا وقال عطونا خمسين تذكره ايش رايكم اوزعها على اللي ماعنده
او نردها اتفقنا انه يردها لهم وكان مطلبنا تخفيض السعر الى 20 مثلنا أو ما تتجاوز الخمسين50 ريال
المهم قربت المباراة وبقى تقريبا 25 دقيقه وكنا شبه متفقين ما ندخل الا اذا خفضوها
بعدين اضافوا 50 خمسين تذكره وصاروا ميه وتم توزيها علينا أنا من الناس اللي حصلوا على التذكره انا وولد عمي
ويوم دخلت ما عطيتهم التذكره واحتفظت فيها لنصف الشوط الاول وصلوا باقي الشباب وطلعت وعطيتهم التذاكر ودخلوا
ودمتم سالمين ونصرنا من نصر الى نصر
القصد من الموضوع اننا انصدمنا من قيمة التذكره وما أحب الإستغلاليه ولا أنا ما عندي مشكله أدفع ع شان
اشوف نجومنا أما المباراة محسومه من الرياض بس حرام الاستغلال وانا من النوع اللي ماحب زي كذا واعند
وجاء في بالي ليش هالبطوله مالها قوانين واسعار وهيك اشياء أنا أجهل بعض القوانين لكن ما ادري كيف نظام البطوله
وآسف ع الاطاله وحبيت اوضح ما صار لنا كجمهور في الملعب
طبعا الرابطه ما شاء الله طرب ووناسه وعلى طول حتى بعد نهاية المباراة جاء جمهور الحد معنا وفليناها
في المدرج واثناء المباراة وعندي مقاطع في الجوال بحاول اني انزلها لكم تشوفونها
مشكلتي ما اعرف بس بحاول ان شاء الله ونوسع صدوركم فيها
والسلام ختام
إعذروني لو فيه خيانه في التعبير أو الاملاء
