السلام عليكم
انا متزوجه لي تسع شهور وطبعا اول زواجي تعبت نفسيتي وتاخرت دورتي شهر ونص توقعت انه حمل
لكن بعد ماسويت تحليل حمل طلع سلبي راجعت دكتوره وقالت هذا التاخير بسبب الحاله النفسيه او كثرة التفكير
طبعا مااخفيكم كان بسبب نفسيتي وبعدي عن اهلي ولكن بعدها ولله الحمد تعدلت وعطتني حبوب تنزلها وشرفت الغاليه
لكن حسيت بالم مو طبيعي مع هالدوره رحت لوحده تمرخ واستغربت خلت خدامتها تمرخني
طبعا سوت في ارحامي عجين ياموديتها يمين والا يسرا وطبعا قالت لي لازم سبع ايام تمرخين ياعنيد:eh_s(2):
وبحكم اني غشيمه قلت لها تم
لكن مااستفدت ولما رحت لاهلي جاتني الدوره ورحت لوحده تمرخني قالت انتي شنو
مسوويه قلت لها اللي صارقالت ذي لفته لازم نرجعه
المهم لفيناه ورجع محله والحمدلله
مااخفيكم كأي
وحده تمنيت الحمل وكل ماتاخرت فرحت وقلت صاررت وبعد كم يوم تنزل واتحطم
المهم رحت لاهلي احضر زواج اخوي :eh_s(9):
وطبعا كانت متاخره يومين فرحت كالمعتاد وبعدها كانت رحلتي قبل الرحله بساعتين نزلت نقطه دم قلت خيره
وبعد ماركبت الطياره ونزلت ورحت على دورة المياه الا وكاني نازفه شفت شيمو طبيعي
رحت لدكتور بالطايف سوا تحاليل وطلع هرمون حليب
والبويضه عندي 9 وحطمني قال حجمها سيئ جدا
طبعا ابو الشباب ماقصر قال صعب الحمل ويتفلسف وبعدها اندمرت نفسيتي
شوروو علي تكفوون من كانت بويضتها 9 وحملت وهل ممكن يكبر حجمها
اسفه عالسرد والاطاله هذي اول مشاركه وقلت اكيد بيتحملوني:D
