حاسبي مو كل شي ينقال للزوج
حبيت اطرح هالموضوع عشان الكل يستفيد ترا حاسبي يا مره مو كل شي ينقال للزوج البارحه بلليل بنتي كانت نايمة بجني على السرير وزوجي ما كان متواجد بسبب دوامة خفارات المهم الساعة 2 بالليل فزيت من نومتي على بكاء حبيبتي بنتي طاحت من على السرير المهم اخذتها ولميتها وبطلت الليت اشوف اذا فيها شي الحمدلله ما فيها شي اخذتها وسميت عليها ورضعتها ....اليوم الصبح وبحسن نية قلت للزوجي طبعا زوجي شسوى ؟؟؟؟؟؟!!!!
قال لي حطيتي على راسها ثلج "للعلم دايما يقول لي حطي ثلج عنده هالشي وايد مهم متعلم هالشي من عند امه وانا قمت اقرا عن سقوط الاطفال ف مافي شي من هالقبيل يقول ان الثلج مهم" جاوبته قلتله لا!!!!
لان اساسا انا ما اعرف على وين طاحت!!!!
شسوى زوجي العزيز قال لي هالجملة "روحي عني لا اسبج وبتصل لامي بقووول لها "
انا انصدمت وقلت اكيد غشمرة !!!
لكن امه اتصلت في امي وقالت لها حطي عليها ثلج لان انا بالدوام وبنتي عند امي حبيبتي!!!!
تخيلوا يا بنات زوجي ما يدري عن بنته ولا يهتم ولا امه تدري عنها !!!!
انا وايد منصدمة من الحركة وما اعرف شنو اسوي مع زوجي يعني شي تافه راح قال لامه وامه بعد تتدخل وتعطي امي اوامر حطي لها ثلج !!!!
انصحوني شسوي :eh_s(11):
