قصتي انا ملاك مع اليأس و التفاؤل و التغيير
السلام عليكم و رحمة الله
شلونكم بنات ؟
من زمان ما نزلت موضوع بالمنتدى اشتقت لكم :eh_s(11):
بنات وايد نشوف مواضيع عن الاستغفار و اثر الاستغفار و فضله و البعض يستغفر و يشوف نتيجه و البعض الثاني ما يشوف و حياته مثل ما اهي ما تغيرت سواء من رزق او وظيفه او زواج و غيرها
بنات بقول لكم قصتي انا شخصيا ملاك
صارلي تقريبا سنه عندي امنيه اتمنى ربي يستجيبها لي بس ما كنت ادعي و استغفر بس كنت اقوم بالفروض اللي علي صلاه زكاه و الخ ..
و كنت افر بالمنتدى و الاقسام و دخلت قسم اسلاميات قريت مواضيع وايد عن تحقيق الامنيات و الاحلام اثرت فيني قصص وايد و من ضمنهم قصة طموحه بزياده وايد تأثرت معاها و مواضيع برينسيس مريم و غيرهم وايد و قريت مواضيع عن حسن الظن بالله
و كنت اطبق اللي يقولونه مو كل شيء بس طبقت اغلبهم
قطعت الاغاني و ابتعدت عن المعاصي و صرت اتصدق و اسوي كل شيء يرضي ربي علشان يستجيب لي
ظليت ست شهور تقريبا و انا على هالحال بعدها تكاسلت و رديت للأغاني شوي شوي و رديت مثل قبل و اكثر بعد
بس فيه شيء ما تركته و كنت متعوده عليه طول الست الشهور الدعاء و الصدقه هالشيين ما خليتهم مع اني كنت بالفتره اعصي ربي وايد كنت احاول ارد مثل قبل لاني ابي ربي يستجيب لي دعوتي و ما ابي اخسر كل شيء و يروح جهدي طول هالشهور هباءا منثورا
كنت ادعي ربي و اقول ( اللهم كل ما رأيتني ابتعد عنك فردني اليك ردا جميلا )
كنت احيانا اقولها بس كنت اقولها بصدق ابي ارد مثل اول لاني كنت مرتاحه وايد و انا ادعي ربي و ارضيه مع اني كنت اتعذب شوي و ابجي ابي امنيتي تتحقق
و ظليت حوالي 3 شهور و انا مبتعده عن ربي سبحانه
بس بعد ما قريت موضوع برينسيس مريم الله يجزاها الف خير و مع دعائي رديت مثل قبل و احسن بعد
و تغيرت اشياء وايد فيني عن قبل
قبل كانت تييني فتره امل و اياس و ارد و هكذا بس الحين لا
و كنت هم اشك بدعاء ربي و كنت احس انه شيء صعب و مستحيل بس الحين لا ما صرت اشك حتى مجرد شك بقدرة ربي سبحانه و انه قادر على كل شيء
و هم كنت استغفر و ما احس براحه بعض الاحيان بس الحين لا
و صرت متفاءله وايد و انه ربي بيحقق لي كل اللي ابي و لو بعد حين
بنات انا حطيت قصيتي ابيكم تدعون لي انه الله يثبتني و ما ارد مثل قبل و انه يحقق لي امنيتي عاجلا غير آجلا لانكم ما تتصورون شكثر متلهفه و انا اسمع خبر تحقيقها و اسجد لربي باكيه
بنات بليز ساعدوني و ادعولي و ان شاء الله ربي يساعدكم و يرزقكم و يفرج كربكم و همومكم
امين
:eh_s(7):
