السلام عليكم ورحمة الله وبركاته
معاكم اختكم اسرار اول مره اشارك بهالمنتدى الرائع حابه افيدكم بخبراتي وتجاربي على مر
4 سنين فمجال العنايه بالجسم والبشره والشعر
اتمنى افيدكم باللي عندي
موضوعي الاول راح يكون بسيط بتكلم عن كريم كولاجين جربته وعجبني وشفت نتايجه
في البدايه خل اتكلم عن نوع بشرتي : دهنيه لكن من غير حب شباب الا بعض المرات على حسب
الهرمونات او النفسيه
نوعا ما بشرتي الحمدلله ماتعاني من مشاكل مرات تصير باهته من ضغط الشغل او الضغوطات النفسيه
وهذي اشيا طبيعيه الكل يمر فيها وتعدي على خير
كريم كولاجين من ماركة كريولان
http://www.kryolan.com/images/produc...oval_76001.jpg
من اروع كريمات الكولاجين اللي جربتها يعبي الخطوط يعطي نضاره ينعم البشره بشكل خيالي
يرطب البشره ترطيب عميق جدا من غير ما يدهنها ( مع ملاحظة ان بشرتي دهنيه ) بس مالاحظت انها
دهنت بالعكس كان يغذيها ويرطبها بشكل حلو
دايم استخدمه قبل الميك اب كترطيب ويخلي الفاونديشن يطلع عليج روعه خصوصا للي بشرتها
تتقشر عند استخدام الفاونديشن
استخدمه ككريم ليلي وايد حلو يغذي البشره ويعطيها لمعه صحيه وهم استخدمه كمرطب نهاري
بالبيت ويظل ترطيبه طول اليوم
النتيجه تبين معاج على حسب تقبل بشرتج استخدميه لمدة شهر وشوفي
لكن الترطيب والنعومه بتلاحظينها من اول استعمال
طبعا الكريم قوامه ثقيل تاخذين منه شويه وتوزعينا على بشرتج و ركزي عالمنطقه اللي تحت عينج
وتالي دلكي فيه البشره لين تتشربه
سعره 15 دينار حجمه 50 مل بس يستاهل الصراحه
اتمنى تجربونه وتعطوني رايكم
