الحلول ( العشرج ) و فوائده من تجربتي الخاصه

السلام عليكم
كلنا نعرف مع تغير الجو و المطر معظم الناس كانت منشوله فدائما يدتي الله يذكرها بالخير تنصحنا وقت النشله نشرب مغلي العشرج لكن إحنا نقعد نقول ويع و ما ادري شنو من هل الحجي لكن لين ما جربت انه بنفسي
تدرون طحت منشوله و سخونه و ترجيع و كله لايعه جبدي الا تقولي يا بنتي سمعي الكلام و شربي بسويه لج و شربي
بالأخير اقتنعت
والله ثم والله من شربته كنت احس كل ما عزكم الله ادخل الحمام المرض و التعب كله يروح
قلت مسكينه يدتي طلع كلامها عدل و إحنا نقعد نقول وع و من هل الحجي

بقولكم على المقادير
تروحين عند العطار تقولين له ابي ورق العشرج و الورد

تاخذين بيالتين ورق عشرج و بيالتين الورد مع 4 أكواب ماي و تفوحينه لمدة نص ساعه
و تخلينه يصير دافي و قبل ما تشربينه مصي لوميه و شربي تقريبا كوب من مغلي العشرج طبعا تشربينه على الريج و عقبها بنص ساعه تريقي و اكلي شي
والله ثم والله انه ينظف البطن و المعده بشكل رهيب والله على ما اقول شهيد راح تحسين بعدها براحه مو طبيعيه

جربوها و راح تدعون لي
حتى الي تعاني من عسر الهضم و الي تعاني من حبوب بشرتها صدقيني كلها راح تروح