اووف بموت

السلام عليكم:eh_s(17):

حبايبي انا عندي رفيجاتي ثنتين انزين عليهم حركات عاديه بس البعض يظن فيهم السوء

يعني مره كنا قاعدين بالصف وعلينا احتياط والابله براا تتكلم بالتلفون وكانو هالبنتين ماسكين ايد بعض ويسولفون والله بطريقه عاديه الا قامت بنت وقالت لهم شهالحركات

جان اوقف واصرخ بعبط وبصوت عالي قلت : لا ان بعض الظن اثم

وانا اصرخ دشت الابله وطلعتني انا والبنتين اللي ماسكين ايد بعض : وخذت اساميهم ونادتني بروحي وقالتلي البنات(اللي ماسكين بعض) شسالفتهم تقول حركاتهم مو طبيعيه قلتلها مادري قالت انا ماخذه فكره غلط عنهم قلت لها لا مافيهم شي ليش فكره غلط

الابله قصده (اللواط ) اعوذ بالله


المهم رحت الصف جان اقول حق وحده من هالبنتين انه الابله تفكر فيكم هالتفكير

البنت انصدمت وانا اهني حسيت اني اشعلت فتنه بين الابله والبنتين اهئ اهئ

والله مدري شسوي حاسه بتانب الضمير انا ليش قلت حق البنتين

شسوي!! اللحين والله احس اني سويت فتن بينهم !!

ابي حل؟؟؟ شسوي ضميري يانبني اوووف