بين الهلاليين وريال مدريـد :: تاج الملوك ومعطيات الصدارة ...قصيده ..سليمان الشدوي

بين الهلاليين / وريال مدريد
تاج الملوك / ومعطيات الصدارة

والملكي ماهوب محتاج تحديد
النادي الازرق /زعيم بجدارة

نادي الملوك / مقيّد اسمه في القيد
من الملك والختم (ختم) الوزاره

القاب الأزرق/ نعتمدها بتأكيد
القاب (فخر) وحازها باقتداره

ماهيب حيا الله (هدايا) في العيد
ولاهيب (مسروقه) بداعي الاثارة

لكنّ في وقت العبث / والمناقيد
تناقل الالقاب / صارة تجارة

مصادر الأعلام من زيد زعبيد
اعلام متناقض (غبي) باخسارة

واللي يحط القاب من غير تسنيد
مثل الذي يرسم (علم ) في جداره

ليته قبل مايبدي الهرج / ويعيد
صلى لربه ركعتين استخاره

يمكن يفوق ويلتزم بالتقاليد
ويصحح اسباب الخطأ باعتذاره

واللي يزيدون الجمر بالمواقيد
الملكي يهزهم / بانتصاره

ان غردوا على تويتر تغاريد
نرد حجتهم / باقسى العباره


المجد يُنقش بالصخور الجلاميد
والحُر يفهمها ولو بالاشاره

وسرقة القاب البشر / والأناشيد
ماترفع السارق/ ولاهي شطاره

تبقى الفوارق واضحه بالمواعيد
ما بين ناديهم / ونادي الحضاره