قصيدة للشاعرعبدالله الخضاري الدوسري في مدارات الجزيرة اليوم
السلام عليكم ورحمة الله
نشرت اليوم الخميس على صفحة مدارات بجريدة الجزيرة قصيدة للشاعر عبدالله الخضاري الدوسري
وكانت مدارات قد خصصت هذا العدد لقصائد الذب عن الرسول الكريم صلى الله عليه وسلم
واليكم القصيدة
رسول العالمين
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
علموا الدنمرك من هو رسول العالمين =علموها كيف تبت يدا الجاني وتبّ
علموها ياهل الحق وش معنى اليقين =وغضبة المليار مسلم ليا منّه غضب
في محبة سيد الخلق ما نغلي الثمين =اكرم اهل الكون لا شك واطهرهم نسب
الحليم الطاهر البر سيد المرسلين =بيّن المولى له الفضل في كل الكُتب
قبل ما حنّت له قلوبنا بَاصدق حنين =حنّ لاقدامه وكفّيه محراب الخشَب
الغلا له قد تربّع على عرش الكنين =والولا له راسي من ورى الضلع الحَدَب
نبتر الكفّ اللعينة ونِجتثّ اللعين =ندمَغ الحية على الرّاس ماهوب الذّنب
إيه تخسى شِلّة الكفر والحقد الدفين =نفتدي عرضه بالأرواح لا حلّ الطلب
قاطعوهم واذبحوا الكفر من حبل الوتين =واسحبوا قنصل بلدنا ونادوا المُنتدَب
حرّك المليار مسلم لسان الحاسدين =حاولوا هزّ العقيدة وحَملتْ في الكَرَب
انفجر بركان حبه وهزّ النّايمين =واصطفق موج المحبين من عُجْم وعرب
رددي يا أمّة محمد نشيد الفاتحين =واقرئي الانفال واطوي دواوين الطّرب
لا متى وانا على الكفر واهله ساكتين =من بغى الطولات يصبر على حَرّ اللهب
ابتدا الشعب السعودي وقاد المسلمين =لابغا الله ينصر الدين حرّك له سبب
تحت راية كاسب المجد والقرم الرّزين =ابو متعب مَزْبن الدّرك فكّاك النّشب
تحت راية سيدي كُلّبونا جاهزين =لو يخوض البحر خضنا غزيرات المغب
اشهد انّه حاكم من سلالة حاكمين =واشهد انّه في ذرى المجد والقمة وِثَب
يحفظ الله مملكتنا ويخزي الحاقدين =والنبي قد عزّه اللي على الغالب غَلب [/poem]
عبدالله بن راجس الخضاري
