## إنما أشكوى بثي وحزني إلى الله ## - الفروقات حقنا وهدفنا

بسم الله الرحمن الرحيم

مساكم الله بالخير جميعا وكل عام وانتم بخير وتقبل الله منا ومنكم سائر الأعمال

في أول موضوع لي بهذا المنتدى الجميل الذي اتمنى ان أفيدكم واستفيد منكم ،، أتوجه إليكم بموضوعي لعلي أجد الحل المناسب لديكم وكم وددت أن بدايت مواضيعي عندكم سعيده :saaad:

بدخل بصلب الموضوع مباشرة واتمنى الأجابة بشكل خاص للمدرسات الخبيرات وبشكل عام لجميع المدرسات ،، لان الموضوع يهم مستقبلي الوظيفي :

أنا مدرسة متعينة هذه السنه في احد القرى اللتي تبعد عن مدينتي بـ (270) كيلو ،، كنت متفائلة ومعينه من الله خير وكنت انا والمدرسات في اجواء اكثر من رائعه وماكان عندنا مديرة ،، المهم جابت الادارة الله لا يوفقهم مديرة وليتها مديرة ،، شهادتها معهد معلمات وماتعرف تفتح الكمبيوتر وماتعرف شي بالاعمال الادارية والمكتبية ابد ابد ابد ،، وقفت لنا بحلوقنا وكاننا اصغر بناتها ،، متعبتنا تعب أنا وجميع المدرسات بالمدرسه تعب الله لا يوريكم ،، لدرجة اننا ماغير ندعي عليها ليل نهار ،، رغم تعب المواصلات والمشوار ورغم اننا نطلع من بيوتنا من فجرية الله واوقات نطلع من الساعه 3 صباحا الا انها تسجل علينا غياب اذا تاخرنا ربع ساعه عن الموعد النهائي اللي هو ( 7.30) صباحا ، رغم ان الموضوع مو بيدينا ،، واي صيانة او عمل او نشاط في المدرسة تطالبنا ندفعه من جيوبنا رغم ان فيه ميزانية خاصة للمدرسه لكن مانشوف منها شي ،، والفترة الاخيرة مزعجتنا تبي تجيب موظفة من قرايبها وتبينا نصرف لها راتب من جيوبنا وتبي تحطها على الكمبيوتر لادخال البينات ونظام نور ،، لانها مثل ماذكرت لكم ماتعرف شي بالاعمال الادارية ابد ،، وياما سوت فينا مقالب ،، مره من المرات والجو ممطر والطريق كله امطار رسلت لنا رسايل بأن لاحد يحضر للمدرسه ،، وتفاجأنا ثاني يوم انها مسجلتنا غياب ومسجله روحها ( حضور ) رغم انها ماداومت على كلام الطالبات ،، وكلكم عارف الغياب يوم واحد يأثر على قرارات النقل وعلى مستقبلنا الوظيفي ،، وغير هذا تقفل باب المدرسه بالمفتاح عشان نطلع بالموعد اللي تحدده هي مو الاشراف وكاننا غنم عندها ،، وفوق هذا دايم تحاول تحارشنا وتتسبب معانا بمشاكل تعكر الجو الدراسي كله ،، فالحاصل ياخواتي مشاكلها كثيرة ومافي وقت اسردها كلها ويكفي ا ننا نداوم هالايام والطريق كله سيل مو سيل الا وداي وهذي داقه علينا الا غصب تداومون والوادي يمشي له يومين .

والمشكلة اننا مقدمين عليها اكثر من شكوى للاشراف التابع للمنطقة وردهم علينا ياسايسوها ،، يا طنشوها ،، يامشو حالكم ،، وماحولك احد ،، والمشكلة ان فيه مدرسة مرشحة نفسها للادارة وكل المدرسات مرشحينها لكن ماحولك احد ايضا .

فوالله كلنا كمدرسات في هذي المدرسه متضررات منها ونبحث عن طريقة للتخلص منها ،، مع العلم كلكم يعرف دفتر تحضير المدرسات وممنوع ان الطامس يستخدم فيه ،، لكن هذي المديره لا ،، تتاخر بكيفها واذا وصلت تمسح بالطامس وتحضر نفسها وعندي صور بهذا ،، وحنا اذا تاخرنا ربع ساعه سجلت علينا غياب رغم ان تاخيرنا خارج عن ارادتنا لاننا بعيدين عن المدرسه ،، وهذي ساكنه بنفس المنطقة يعني بينها وبين المدرسة كم دقيقه ز

فياليت تفيدونا بالحل ،، شلووووون نقدر نفتك منها او نطيرها او نغيرها بالطرق الرسمية والقانونية ولكم مني كل شكر ودعووة وابسوي لها عمرة ههههههه ( دعابه :lol: )

بالتوفيق