السلام عليكم ورحمة الله وبركاته ...
المشكلة مشكلة رفيجتي ومتأزمة ومأزمتني معاها لدرجة ما تصورونها .. الموضوع اهوو
رفيجتي تزوجت من شهرين وشوي وزوجها قبل لا يتزوجون كان خاطبها كذا مرة وماصار نصيب
واخر مرة تزوجوا ومعيشها عيشها لا اله الا الله تحسد عليها وتقولي كل شي بيننا تماام مافي شي
ولا هو مزعلني بشي ابداا "ويا دهينة لا تنكتين " تقوول فاجااة لقيت نفسي " ماااابييه " قلت لها
هااو اشفيج انتي ؟؟ قاالت مابيه ماني طايقته .. لا حول ولا قوة الا بالله وتبكي وتصيح وتقولي انا
جيت عندج تعطين لي حل !! سمعت من اهلي كلام واجد ما يفهموني ..بس حسيتج انتي تفهميني ..
والمشكلة اللي ضاغطه عليها زيادة انه هو مايدري بشي من اللي تحس فيه ابداااااا ... واللي زااااد
ازمتها بعد انها طلعت حااااااااااامل منه :(
شوفوا شنو عطيتها حلول اللي الله سخرني لها مع اني صغيره في السن 25 وعازبة وماعندي
الخبرة اللي عندكم ... بس انها اليوم اتصلت فيني تبكي تقولي انا عند بيت اهلي اليوم وابيج تعطيني
سبب اني اتطلق فيه من زوجي .. قلت لها مقدر اظلمه كذا وهذا خراب بيوت والظلم ظلمات يوم
القيامة .. المهم شوفوا شنو الحلول :-
1- قلت لها استغفري الله وشغلي قراان في بيتج ورقية شرعية على طوول لا تسكرينها يمكن عين
ولا مس ولا قرين ولا شي ويروح ان شاء الله وواضبي على صلواتج .
2- قلت لها روحي اكشفي هرمونات يمكن هذا بداية الحمل يرتفع شوي هرمون الكأبة وهو اللي
مسوي فيج جذي !!
ومحيرتني حيييييل والحمدلله انها شوي اقتنعت بكلامي وخذت مني النصيحة .. بس ابي منكم حلوول
اكثررر لاني حيراانه حدي ومو عارفة افيدها بشي .. افيدوني افادكم الله .. ربي يرضى عليكم
اختكم
