هل يثبت الاتحاد انه نادي الشعب + موضوع للرجال الكفـو بس !!

ســلآأم عليكم ورحمة الله وبركاتة

اسعد الله صباحكم بكل خير

الموضوع يمكن يكون غريب شوي عليكم بس والله العظيم انجبرت اكتبه لاانه خلاص شي زاد عن حده

ياجمهور الذهب الحل للوضع الي يمر فيه النادي مظاهره عند رعاية الشباب في جده وتكون بتنسيق من جماهير الذهب عشان كل الجمهور يحضر وانا اقسم بالله بجي من الشرقيه ومعاي روابط الاحساء والدمام يعني على الاقل 4 باصات ونطالب برجعة منصور البلوي لاان خلاص الوضع صار ماينسكت عليه ولو سكتنا صدقني ماراح نقدر ناخذ حقنا الا متى وحنا مظلومين ؟

دوريات سلبت مننا كووس سلبت مننا تحكيم ضدنا بشوت ضدنا ؟

الا متى بنضل ساكتين لازم نتحرك تكفوون ياجماهير الذهب نبي نثبت للكل ان حنا نادي الشعب والي نبيه نسويه غصب عن خشومهم

وفيه شي ثاني قاهرني لجنة الانحطاط تغرم الاتحاد عشان التاخير طيب الاهلي تاخر مع نجران والهلال تاخر مع التعاون ماشفنا هـ العقوبات طالتهم ؟ ولا لاانهم بشوت ؟ وامراء حسبي الله ونعم الوكيل بس





اتمنى من كل قلبي اني اطلع من الموضوع هذا بفايده اتمنى الاقي تفاعل ونسوي مظاهره لين يرجعون لنا منصور خلاص تعبنا ياعالم الاتحاد من افضل فريق في اسيا ينزل لمستوى حتى مايلحق على الاربعه الاوائل ؟ وكل هذا ليش عشان البكايه محمد بن فيصل راح يبكي عند جده سلطان ؟ وسلمان ماصدق خبر واقال ابو ثامر ؟ ليش يعني كلنا مو عيال 9 شهور ؟ يعني حلال على جمهورهم يفرحون وحنا نحزن لانهم امراء ؟ والي قاهرني زياده الكلام الي في منتدياتهم بعد صفقة الفريدي يقولون لازم نعرف عضو الشرف الي تكفل بالصفقه ونطيره مثل ماطيرنا البلوي ..!! يعني بس يبون هم يتنافسون على البطولات ؟ مادري كيف الوضع عاجبهم ك جمهور فريق تجهز له البطولاات عكس الفرق الي تنافس عليها بشرف داخل المستطيل الاخظر





قفلـــة :) في عام 1942 قبل الحرب العالميه بفتره تكلمو زعماء القبائل مع ملك انجلترا الظالم وقالو له ارفع الظلم عن ابناء الشعب الاستكلندي والايرلندي لكي يجددون الولاء لك في الحروب القادمه تجاهلهم وعندما بدات الحرب 1945 فقد الملك وليام النورمندي جبهتيه الشماليه والجنوبيه في الحرب وصارت اكبر مذبحه للجيش الانجليزي
وسلامة فهمكم اتمنى توصل هالرساله للبشوت




آن لن اكن اتحادي وقت الانكسار فلا استحق ان اكون اتحادي وقت الانتصار