شرايح الكوسا الصحيه من زعفرانه :)
بسم الله
===
قوه رشيقات اشلونكم حبيباتي ربي يقويكم على الألتزام ويعمدكم بالأراده القويه على التخفيف.
اليوم وانا قاعده احوس بالمواقع الأجنبيه حصلت هالوصفه السهله والصحيه.
نبدأ بالمقادير
===
قليل من الموزيرلا
بصل مفروم أخضر ( للى تحب انا ما حطيت)
3 حبات كوسا دائريه بسماكه متوسطه.
4جبن شرايح مقصص نو فات.
رشه جبن برميزان كرفت قليل الدسم.
ملعقه وسط زبده لا يت مثل اللى انا مصورتها( اذا ما تحبين مو ضروري ،حطيتها عشان تطرى المكونات)
ريحان مفروم
ملاحظه: الطبق ما فيه ملح نهائيا.
الطريقه
===
نخلط جميع المكونات فى بايركس ما عدا جبن البرميزان نخليه فى الأخير، و نغطيه بقصدير وندخله الفرن على حرارة 190 درجه لغاية ما تستوى شرايح الكوسا ويذوب الجبن ،بعدها نحط القليل من الموزيرلا وندخلها الفرن لغاية ما يصير ذهبى ويذوب ،وآخرشى نضع القليل من البرميزان ويقدم مع خبز اسمر .
هاذى الزبده المستخدمه
