سويت عملية خشمي واخيرا وراح اكون معاكم خطوه بخطوه

السلام عليكم لونكم ياحلوين حبيت افيدكم بتجربتي وتفيدوني بتجاربكم
سويت عملية للانف تنفس وتجميل مع بعض عند دكتور حمود النومس
صارلي يومين عمليتي طولت وايد مدتها 4 ساعات بمستشفى خاص خذو وزني وقاسو ضغطي وسالوني اذا اسناني سليمه وبعدها ودوني غرفة العمليات طبعا كنت صايمه وقببل لايحطون البنج حدي خفت وقلت ابي خشمي حلو حق الدكتور مادري شكو من الخرعه

:krkrkr:

قالي الدكتور اعد لي 10 انا من رقم 3 رحت بسابع نومه وبعدين قعدت وانا مو حاسه اﻷ بعطش شديد وحسيت لساني ثقيل من التخدير ابي اعبر واقولهم انا خلصت او لا لان الكلام مو راضي يطلع بس في هندي قالي حمدالله على السلامه فهمت ان خلصنا العمايه ماكنت حاسه بعوار كلش الحمدالله بس بلاعيمي يعوروني احسهم مجروحين ودوني الغرفه وعرفة من اهلي ان عمليتي طولت لان علاج وايد اكتشف الدكتور ان مو بس انحراف فيني طلع فيني قرنيات وتنفس صفر بوحده من فتحات خشمي فاهو عالج جميع المشاكل بعدين سوالي تجميل حق عظمة الانف وراس الانف ورفعه لي شويماكنت حاسه بعوار بخشمي كلش بس بلاعيمي تعورني ورجعت تكرمون رغوه قالولي هذا من التخدير وماكان في ورم كلش ثاني يوم شفايفي شوي ورمو واليوم ثالث يوم حيل مورمه عيوني تخرع قاعده احط مره وعندي بخاخ كتبليا الدكتور يساعد على التنفس وحرارتي شوي مرتفعه بس اليوم ويهي حيل يخرع من الورم ضايق خلقي من الورم مادري شسوي عشان يروح قالولي اشرب عصير اناناس بس بلعومي حيل يحرقني ماقدر اكل صارلي يومين بس اشرب ويه شوربه عشان الدوا

اما شكل خشمي مو مبين بس الفتحات وراسه شوي وشكله حلو الرفعه حلوه والفتحات حلوين انشاءالله اشيل الجبيره بعد مرور اسبوع يعني يوم الاربعا وانشاءالله بس يروح الانتفاخ اوريكم قبل وبعد مبين شغل الدكتور حلو ويعرف شنو يسوي بالعظم لان الحمدالله ماكو عوار كلش بالخشم غير عوار البلاعيم ومافي اي خياط خارجي وشكل الخشم نظيف من برا

بنات الي سوت خشمهمها متى يروح الورم في شي دوا فعال حقه