فوز الاهلي بسبب ضعف الاتحاد و شكرا للاعبين وللجمهور
السلام عليكم ورحمته الله وبركاته
اول شيء هاردلكم على الخسااره المتوقعه نظرا للمشاكل الاتحاد
الي شاف الاتحاد من بعد مباراة مع الفريق الصيني راح يعرف انو ما راح ننافس لا على اسيا ولا على الدوري الي ابغى اقول فوز الاهلي في اسيا و اليوم كان بسب ضعف الاتحاد مو قوة في الاهلي يعني فريق عليه مشاكل من سنه لسنتين وفي المقابل الي هو الاهلي ما عندو اي مشكله فبتالي اكيد راح تكون النتيجه انهم راح يفوزو علينا لحد ما ان شاء الله ربك يفرجها ويكون عندنا مصدر دعم تجي تقولي الاهلي متفوق علينا علشان كذا فاز طيب مو نجران فاز علينا والفتح فاز علينا والشعله كان يستحق الفوز يعني هذولي كلهم افضل من الاتحاد اكيد لا هنا نعرف انو مشكله الاتحاد المااااااااال لو توفرت لا الاهلي ولا غيره يقدر يفوز علينا بعد الله فعلشان كذا لا يجي احد ويتفلفس عليك ويقولك الاهلى اقوى الخ الاتحاد لو يتوفر عندو المال زي باقي الانديه راح يحقق كاس العالم مو الدوري بس وانا كنت متوقع الهزيمه من قبل المباراة يعني فريق عليه ديون مستحقات لاعبين اجانب مافيه احتراف معدوم فاكيد راح نخسر يعني لو تجيب الانصار مع احترامي له راح يفوز علينا بس انا مستغرب كل اندية زين عندها مشاكل وعليه ديون ولاعبينهم لهم مستحقات بس ماحد ينشر مشاكلهم للاعلام بس مشاء الله مشكلنا الانديه كلها تعرفها اكثر من الاتحادين صراحه غريبه الانديه الثانيه ما يطلعو مشاكلم للاعلام واحنا مشاء الله مافي مشكله الا والعام تعرفها
بصراحه انصدمت صدمه ما توقع اني راح انصدم زيها والله ثم والله توقعت لاعبين الاتحاد كلهم يلون ذراع الاداراه علشان فلوسهم الا لاعب واحد ما كنت اتوقع ولو بنسبة 1 بلميه طبعا بعد نور الي هو اسامه صح معه حق انو يطلب بمستحقاتو بس راح توصله لو جلس مليون سنه وترى كل لاعبين الاتحاد ما استملو مستحقتهم وما عملو الي عملو اسامه يا خساره يا اسامه خسرت الملاين من جهور الاتحا علشان فلوووووووووووووووس وراح تاخذها في الاخير
شكرا للجميع شكرا لنور شكرا لمنتشري لشافي لسعيد للابراهيم لمبروك لعسيري لفهد للمزيدي لهتان لنايف مع انو في لاعبين نفسي انقلهم على حسابي الخاص للانديه الثانيه شكرا لكل لاعب ضحى من اجل سمعة الاتحاد شكرا للجمهور الاتحاد الي صراحه اليوم ورغم 3 الاهداف الا انها جالسه تطرب وكانو الاتحاد فايز باذن الله الواحد الاحد الفرد الصمد باذن الي خلق الارض والسموات في 7 اياام انو راح نرجع زي اول بس اصبرو ونشوف مين راح يفرح بلاخير بلبطولات باذن الله
