اليوم كلنا سنهاجم .. وغداً سوف ندافع + إعلامي لم يتعلم الدرس وبيخرب صفقة الاجنبي

السلام عليكم ورحمة الله وبركاته

اتمنى يا موندياليين تكونوا في تمام الصحة والعافية

اليوم كلنا سنهاجم .. وغداً سوف ندافع

بقي تقريباً يوم واحد على تذاكر اللقاء الأفضل في المملكة العربية السعودية بين النمور والاهلي

الملعب اللي راح يلعب فيه الاتحاد يوم الجمعة يسع 30 ألف متفرج

المباراة من المتوقع انها تكون بروفة للجمهور قبل لا يخلصون التوسعة في استاد الامير عبدالله الفيصل

اليوم عند جمهور الاتحاد مهمة ما اتوقع انها تكون صعبة .. مهمتنا كنمور عاشقة متعطّشة للفوز هي القضاء على التذاكر

التذاكر يا اخواني نبغى نملي أكثر من نص الملعب اصفر وأسود

غداً راح تكون مهمتنا أصعب .. الوقوف 90 دقيقة نهز أركان مكة بحناجرنا

" وطن وطن وطن نادي الوطن اتي ياموطني والاتحاد هذا العميد نادي الوطن"

يمكن اللاعبين يكونوا محبطين لعدم تسليم مستحقاتهم كاملة لكن حنا راح نكون وقودهم بإذن الواحد الأحد

راح نرد على تصريح كانيدا بأن خلف هذا النادي جمهور مختلف .. بل هو اللاعب المحترف رقم واحد في الملعب

وقد يصل فينا الحال الى تسجيل هدف ؟ نعم ليش مستغرب .. سويناها مع الهلال قبل موسمين وجعلناها يوم أسود عليهم وراح نسوّد أيام الأهلي في موقعة الجمعة

مانبغى تهاون يا اخوان في هذا الشأن

مانبغى أي إتكالية .. كلنا راح نهجم على التذاكر اليوم .. وكلنا راح ندافع عن نادينا غداً

كل الاعلاميين الاتحاديين تعلّموا الدرس إلا هذا

نعم .. كل الاعلاميين تعلّموا درسهم زين في الحفاظ على اسامي الصفقات ..

إلا سيد "الحصريات" .. سيد "أنا اعرف كل شي بالنادي" .. سيد " أنا أول من أفصح عن اسم اللاعب ولي الاسبقية"

صفقة أحمد الفريدي كانت راح تطير علينا لولا الله ثم الدعاء

صفقة أسامة هوساوي طارت والسبب هام عاجل جدا حصري

نعم يا سادة .. عادل الماس

كل الاعلاميين كانوا يقولوا عبر تويتر انهم يعرفون اسم الاجنبي اللي يبغى يتعاقد معاه الاتحاد في الانتقالات الشتوية لكنهم سكتوا عشان الصفقة تطبخ على نار هادي

إلا البني آدم هذا على طول قال اسمه .. وأذكركم إن خربت الصفقة فستكون من تحت راسه لأن كل الاعلاميين سكتوا من اجل مصلحة النادي إلا هذا الشخص ..

متى يتعلّم الصبر ويسكت ؟

الله اعلم ...