قصة الصدقة وما ادراك ماالصدقة

اباقولكم ياخوان قصة عجيبة عن الصدقة حصلت لشخص في مدينة الزلفي تقريبا قبل 18 سنة
المهم هذا شايب كان فقير أو على قد حاله وعنده 8أطفال وانقطع عليهم الكهرب المهم
الرجال كان ماعنده حتى اكل لعياله وانتظر الى ان استلم الراتب وهو مئتين ريال قال يبي يسدد فاتورة الكهرب
وقيمتها 67 ويوكل بالباقي عياله وفي يوم وهو طالع من صلاة الفجر قابله واحد من
أهل الحي ومحتاج وطلب منه انه يساعده وهو تردد ان عطاه كيف يسدد فاتورة الكهرب وكيف بيطعم عياله
المهم قال اباعطيه مئة و على الراتب الثاني اسدد الكهرب وعطا الرجال الفلوس
المهم راح بيشري مقاضي للبيت ويدخل يده بجيبه الا مامعه شي عطا الرجال المئتين كامله
فضاقت به الدنيا الحين كيف ابوكل عيالي وصعبه ارجع وأخذ المئة منه
المهم راح يصلي الفجر بالمسجد ويقابله رجل من تجار القصيم يعرفه وقال له ابيك اليوم
تتقهوى معي وراح الرجال عنده وقعدوا يسولفون المهم عطاه ظرف وقاله أنا مستعجل رايح للقصيم
وحبيت اسلم عليك وودعه المهم الرجال رجع البيت وافتح الظرف واذا به الفين ريال والالفين تسوى هذيك الأيام
فحمد ربه والدنيا مب شايلته من الفرحة


فشوفوا ياخوان عظم الصدقة من مئتين لالفين والله ان أعظم تجارة رابحة هي التجارة مع الله

hgw]rm ,lh h]vh; lhhgw]rm