شفتو العماله اللي يشتغلو

بسم الله الرحمن الرحيم

حبيت اعرض هذا الموضوع لعله يكون بداية لصدقة جارية

مره طلعنا المول وجا وقت الصلاة ودخلنا الحمامات ( الله يكرمكم) عشان الوضوء وشفت العامله وحده عجوز تركض من حمام لحمام عشان تنظف ورا الحريم و القهر ان بعض الحريم تستخدم المنديل وترميه ع الارض او تخليه ع المغسلة ..!! رغم ان الحمامات كله سلات زبالة ( الله يعزكم )

بتقولون هذا شغلها انها تنظف

طيب ...من باب ارحمو من في الأرض يرحمكم من في السماء هي برضوه انسانة وكبيرة في السن والحاجة هي اللي رمتها في هذا المكان
و القهر ان بعض الصغار يجلسون يرمون اكياس الحلويات و البطاطس ع الارض وامهاتهم يشوفونهم..!!
عيب والله عيب
اشوف وحده عجوز تجري ورا ولدي عشان تلم زبالته ..!!

و الدنيا دواره يمكن في يوم نكون احنا مكانها ..

كل اللي ابغاه في موضوعي


نحترم عاملات النظافة بغض النظر عن جنسياتهم و الوانهم
نحترمهم ونعطف عليهم ..حتى لو بأبتسامة وشكر لها
نتصدق عليهم حتى لو بريالات معدودة ..مثلا استخدمتي الحمام وقبل ما تطلعي منه اعطيها ريال او ريالات صدقوني راح تفرح فيها وربي يكتب لك اجر

حتى عمال النظافة بشوارع خاصة في الايام الباردة هذي وانتي رايحه الدوام وشفتي عامل نظافة مدي له بريالات راح يفرح فيهم وتبدئين يومك بأجر


عودي اطفالك على النظافة واحترام العمال مهما كان عملهم لأن هذا يدل على تربيتك ووعيك

كم شفنا مواقف تؤثر بقلوبنا من معامله سيئه للعماله لانهم ضعيفين مساكين ماهم في بلدهم لكن معاهم القوي الجبار
ماندري يمكن هم عند الله احسن منا
انا مااقول الكل ((((البعض ))))
شوفوا الرؤيا المؤثره عن عامل النظافه بالرابط هذا
http://www.youtube.com/watch?v=oHlVkRKIqJg


وكان الله في عون العبد ما دام العبد في عون اخيه ..خالص احترامي


شفته باحدى المنتديات واضفت عليه بعض الاشياء وحبيت انقله عسى الله ينفعنا واياكم