قصيدة للشاعر سعد بن جدلان ... ومجاراة غازي بن عون .. وعبد الله بن عون ..لها
قصيدة الشاعر
سعد بن جدلان الأكلبي
[poem=font="Simplified Arabic,4,black,bold,italic" bkcolor="transparent" bkimage="" border="double,5,darkred" type=2 line=0 align=center use=ex num="0,black"]
الا يالهبوب البـاردة عجلـي هبـي =على جاش من قامت هواجيسه أتلوبه
أنا مـرةٍ اصحـى ومـرن يغيبـي =وأسرح مع كثر الطـواري بغيبوبـه
ألا يادهـر ماهـوب حـقٍ تلاعبـي =وخليتنـي لمقـرد الخلـق لعبوبـه
أعبـادٍ مغفلهـا الزمـان وتعجبـي =يحسبون قل المال في الرجل عذروبه
وأنا قانعٍ باللي علـي كاتبـه ربـي =ومومن بمقـدوره وقانـع بمكتوبـه
ولا أبغى عمى الأريا برايه يجربـي =وهو ماعرف ماجوب ربي وما جوبه
هذور المجالس راعي المدح والسبي =وهو في الخلا لو جاه بنت خذت ثوبه
يقولون لي جز من تصرفك وتحبـي =وهي توبتي من مجتمعهم هي التوبه
ديار الوبا مـن طبهـا راح متوبـي =وقرابة الجربا على الحول مجروبـه
انا عارفٍ منصاي لمـن بـدا نبـي =واعرف طريقي اللي بتجـه صوبـه
وانا أعرف من أعادي ومـن أحبـي =وبه ناس لاتبغض ولاهي بمحبوبـه [/poem]
مجاراة الشاعر
غازي بن دخيل الله بن عون الرويس
[poem=font="Simplified Arabic,4,black,bold,italic" bkcolor="transparent" bkimage="" border="double,5,darkred" type=2 line=0 align=center use=ex num="0,black"]
انا للكـلام الزيـن يابـداح يـا حبـي =راع القصيدة داعـب القلـب باسلوبـه
تشوقـت فيهـا يـوم لقيتهـا لـبـي =تشـوق محـب شايـف زول محبوبـه
على شان في موضوعها ماحرش ضبي =وخلاني أمشي مع مماشيـه وادروبـه
هجـوس تكبـر مـع معانيـه وتلبـي =وهو يشتكي من قسوة الوقت وخطوبـه
ويلوم الهذور اللي على الهذر متربـي =مشاهد عيوب الناس ماشاهـد اعيوبـه
بخيـل ذليـل علتـه مالهـا طـبـي = وشذب القفى غايـة مرامـه ومطلوبـه
ولا لوم من جاشه من الغيض متعبـي =على مـن تناجـوا بالمقفـى ونموبـه
عسى ساق من لامه بما قـال ينجبـي =نتيجة قذيفـة بنـدق وجهـت صوبـه
ليـا ضبـه الجبـار ماعـاد ينضبـي =وصوابه من الركبه ليا حـد عرقوبـه
أصارع همـوم عـن يمومـي تجنبـي =وتكشفلي آفاق ٍ عن الخلـق محجوبـه
وأحول بسوق عن هل الكـون متخبـي =تجيني به أنـواع الغرابيـل مجلوبـه
وانا أرجي الفرج من وامر الوبل ينصبي =مدبر ابـن آدم خالقـه غافـر ذنوبـه [/poem]
مجاراة الشاعر
عبد الله بن نايف بن عون الرويس
[poem=font="Simplified Arabic,4,black,bold,italic" bkcolor="transparent" bkimage="" border="double,5,darkred" type=2 line=0 align=center use=ex num="0,black"]
انا يوم غازي جاب تقريـره الطبـي =عن الأكلبي درته وفوجيت باعجوبـه
وتواشى بجاشي واهج الشوق واشتبي =على مشرع حلو على الكبد مشروبـه
ورمع للجنوبي رامع الشوق واجنبـي =وعلى شوق ابن جدلان خاويت مندوبه
ولـو ماجذبنـي لا عزيمـه ولانبـي =جذبني حديثه مـع ثنيـنٍ تناجوبـه
ولا لوم ابن جدلان ولو عاش متخبي =وهجر ساحةٍ فيها الموازين مقلوبـه
احد صاير قاضي واحد صار متنبـي =واحد صاير عوني على حسب مطلوبه
واهو لو يرد بحر المواهب على غبي =يصدر حصيله مايجي ربـع انبوبـه
[/poem]
ارجو ان من نقلته ينال استحسان الجميع
عاطر تحاياي
