قصة ولادتي بمستشفى السلام + د.محمود الاسطل + ابره الظهر

<div>السلام عليكم و رحمة الله و بركاته

شلونكم يالحلوات شخباركم

حبيت اذكرلكم تجربتي مع دكتوري محمود الاسطل

و مستشفى السلام بشكل عام

امممم من وين ابتدي ..!!

اي

انا بجر و اكلت فوق التاسع 6 ايام و الرحم كلش ما كان متهيأ للولاده و كان واحد سانتي

ياااني مغص استانست قلت يمكن هاذي طلوق كانت تغثني و عوار الي اقدر اتحمله عوار عادي

المهم قلت بروح مستشفى الفروانيه اشوووف اذا طلوق و لا و اشوف جم سانتي مفتوحه

دخلت ع الدكتورة قالت لازم فحص

فحصتني قالت رحمج كلش مو متهيأ للولاده ولحد الحين واحد سانتي تضااايقت حدي

قلتلها شسوي قالت ادعي ربج بس تبين اوسعج ؟؟

قلتلها يعور قالت يعني شويه

قلتلها يلا

طبعا شفت الموت بعيوني و قلتلها بس خلااص وقفي و اصرخ مادري شصار فيني ارتفع ضغطي مادري دخت مادري مادري يمكن مت و ردتلي روحي مرا ثانيه مادري

قالت شوفي يمكن تدعين علي الحين بس راح تدعين لي بعدين و فعلا هذا الي صار

رحت سويت تخطيط قالتلي في طلووق خفيفه حيل حيل و مو منتظمة

ببجيت قلت شكلي مطووله و الدكتورة قالتلي انا وسعتج من واحد سانتي الي واحد و نص

تضايقت اكثر و اكثر قلتلها كل هالعوار عشان نص سانتي طلعت منها خلاص مابي من الدنيا شي استغفر الله كرهت نفسي و تعوذت من ابليس

من طلعت من عندها انطر ريلي يي ياخذني و انا احس بمغص اقوا و اقوا كنت بعيد التخطيط قلت بس خلاص عااااد لي متا اجذب ع نفسي

لما ييني عوار ما اتحمله بروح اسوي

رحت بيتنا طبعا منهد حيلي حده تعبااانه تعبااانه حيل

هالكلام كله كان الصبح

لما صار المغرب نزل مني افراز شفااف معاااه دم !!!!

قلت لا مابي اروح لان لاعت جبدي من كثر روحاتي للمستشفا قلت مابي اروح الا اذا ياني عوار قوي

المهم امي دقت علي و تتطمن بلغلط قلتلها نزل مني افرراز شفاف مع دم

قالتلي رووووحي المستشفا ع طول قلتلها لا مابي بس تعقدت من روحتي و ييتي و ياليت في شي يديد ماكو و لا شي

قالتلي اقولج روحي هاذي مقدمات الولاده و مو زين اذا نزل الدم انا هني خفت و ع طول رحت لدكتوري الاسطل

فحصني قال ما شاء الله رحمج مهيأ للولاده و 2 سانتي