بعد هدوء الاعصاب من هزيمتنا امس خلونا نتكلم بعقل ومنطق هل الاهلي اللي لعب امس هو مو نفس هل هو ربع مستوى الاهلي العام الماضي؟ اكيد لا والف لا ياناس فريق ضاىع بمعنى الكلمة الاعبين ماتدري مين المهاجم ومين صانع اللعب ومين المدافع كل واحد يلعب فين مايبغى ومدرب ضاىع مايعرف يتصرف خلينا نفصل نقاط الهزيمة:
1/ كامل المر وياسر المسيليم: لاعبين كبار يقدمون مستويات راىعة كل مباراة يبهرونك يمتعونك بالاخطاء البدائية اللي يسونها ياناس المر ماعمري شفته يرفع كورة صح من يوم ماكان بالوحدة نفس احصله حسنة وحدة سوواها بالاهلي من يوم ماجاء مافيه انا اول مرة في حياتي اشوف لاعب يثبت الكورة ويقدمها لنفسه يطلعها برا ولا الكورة تمر من تحت رجله ماتدري هو ينقز عنها ولا ايش ونجي لبوفون العرب المسيليم ياهوووو اول مرة اشوف حارس مايعرف ابجديات الحراسة مايعرف يتمركز في الباب ابدا ابدا كورة خفيفة قوية مايصدها يطلع متى مايبغى يصد الكوور من جوا الباب.
2/ الروح: تبلد ولامبالاة من اي لاعب في الفريق جمهور يستقبلهم في المطار بعد الهزيمةامام اولسان ولاهمهم حرريقة فينا منصور الحربي مجدد ب 20 مليون ضمن محله حريقة فيك ياجمهور معتز الموسى يتشرط انا حجدد على حسب المبلغ المدفوع مين انتا يامعتز علشانك شبكت هدف بالاتحاد خلاص صرت سوبر ستار وفيكتور تضييع فرصة لو كانت بالحارة كان جابها وبلنتي مو صحيح جاءنا هدية يضيعه بطريقة غريبة يشوت بدون نفس كلنا نحب فيكتور لكن الحق حق والجيزواي كل يوم يثبت ان سحابة صيف وعدت.
3/ تدمير المواهب: مصطفى بصاص كل يوم يلعبه في محل لحد مادمره نفسيا ولياقيا, ياسر الفهمي سببوله عقدة نفسيا لاعب لسة ماتعافى من الاصابة يخلون يدرب وتجيه اصابة ثانية لاتعليق. عبدالله المعيوف حارس مبدع قدم مستويات ملفتة لكن اندمر بسبب حنكة جاروليم ان لكل بطولة حارس.
4/ العامل النفسي: في عام 2010 لما كان مستوانا في الحضيض استعنا بالدكتور محمد المسرحي في بطولة كاس الملك وشفنا كيف غير نفسيات الاعبين ورفعها وحققنا البطولة من امام الاتحاد والان بعد مارجعنا لمستوانا تكابرنا عليه واستغنينا عنه وبعد اول انتكاسة شوفووو النتيجة اربع هزاىم متتالية.
5/ اللياقة والجهاز الطبي: العام الماضي الاهلي لم يتعرض لاعبينه للاصابة الا اثنين وهم جفين البيشي وعماد الحوسني بس برضوو تكابرنا عليهم واستغنينا عنهم والنتيجة ان الاهلي هالموسم ماعمره لعب بكامل لاعبيه انا اول مرة اشوف لاعب يسخن تجيه اصابة وكلنا ملاحظين ان الشوط الثاني لاعيبة الاهلي ينتهون مافي لياقة.
6/ صانع العاب: في نهاية العام الماضي كلنا سبينا (كماتشوو) ليش لان طلب زيادة المبلغ وابو سعود ماوافق فاراح الشباب من حقه يطلب زيادة لاعب كان شايل الاهلي كله كانت اي هجمة للاهلي ياهدف ياكورة خطيرة واي فاول ياهدف يافي العارضة ابسالكم من متى الاهلي كان يجيب الاهلي اهداف من الفاولات؟ انا اقولكم اخر مرة كانت فاول حسين عبدالغني بالاتحاد ولما قلنا زيدووو كماتشو رديتو وقلتو انتو خدم والان هادي النتيجة جبنا صانع لعب هرولة مايقدر يهرول مو جري.
7/ جاروليم: مدرب كبير ماختلفنا اعاد الاهلي ماقلنا حاجة لكن ماتوصل لدرجة ان مايعرف يتصرف في المباراة يارجل مباراة التعاون مهزوم يطلع قلب دفاع يدخل محور ماعمرها صارت كيف تجي ماتدري ومباراة الاتفاق يطلع المر ويدخل عقيل ياهوووو ايش اللي يصير.
8/ طارق كيال: انا استغرب من بعض جمهورنا الغالي اللي يسب ابو راكان مو ابو راكان اللي نظف الاهلي من الحشرات اللي كانت فيه هزازي ومالك وعبدربه وومحمد عيد وحسن الراهب وصاحب العبدالله وغيره وغيره وغيره تبغون ترجعون لزمن وجدي الطويل وغرم العمري وغيره لما كان الاعب يجي متى ماحاب ويخرج متى ماطفش تفضلووا ارجعوو لكن زي مايقوولو الواحد مايحس بالنعمة اللي هو فيها اللي لما يفقدها.
واخيرا اتمنى من ادارة النادي الاهلي يوقعو مع صانع لعب زي كماتشو او افضل مثل اكزافير او ارنقو والا لو استمر الحال كما هو عليه فهي وحدة من الحالتين ياننا سنافس على المركز الاخير والهبوط مع الوحدة او على المركز الثامن
,,,,,تحياتي,,,,
