دارت الدنيا وتبيني أعذرك،،،،،،،!!

الســلام عليــكــم ورحمــةالله وبركـــاتــه ..

بسم الله الرحمــن الرحــــيـــم ...

دارت الدنيا وتبيني أعذرك
نامت عيوني وعينك ساهره

إنت لي ماضي..وما بي أتذكرك

والغلط واياك ماني مكرره

قلتلك احذر غرورك يكسرك

ومن يحبك واجب إنت تقدّره

قبل لا تفكر تهاجر ..باهجرك

واعتبرك غيمة حنان مهاجره

مثل ما جمعتك اقدر[أ ن ث ر ك

يعني راسك لو رفعته أكسره

كنت لك مثل المواني أنطرك

لين طاحت من عيوني الباخرة

لا تظن أبكي عليك وأخسرك

إللي مثلك (لازم) إني.. أخسره

يا القليل الباقي طاح أكثرك

مع بحر "دمع العيون" الطاهره

أبقى أكبر شخص مر بناظرك

وتبقى أصغر من نويت أكبّره

في فراقك ما حزنت آآآبشرك

وكانت الفرحة معاك مسافرة

كيف ألوح لك وأجبر خاطرك

وإنت إحساسي مكسّرخاطره

أشكر أعدائي كثير وأشكرك

من سبايبكم ..فقدت الذاكره

دارت الدنيا وتبيني[أذكركـ

شفت منك خير لأجل أتذكره!؟

اكتب الشطر الأخير بدفترك

القلوب البيض]..." جداً نادره

♥♥