يمكن يكون ابوي سبب بعد الله في حمالنا تعالو

السلام عليكم بنات
اليوم كعادتنا لازم الريوق مع ابوي كوني دوامي فلاتي انا وخواي من ابوي ومرت اخوي الله لا يقطع هالعاده

خلصنا الريوق والكل لاهي تلفون جريده وتلفزيون يه ابوي وقعد يمي وقالي للحين ماحملتي ؟
قلتله حكمة رب العالمين انا سعيت وربك ما اراد للحين
قال ونعم بالله وكل شي سبب وبعد اسعي ين يكون سبب
ضحكت وقلتله لو مرتك تعطيني رقم دكتورها او خلطاتها على غشمره

مرت ابوي ضغيره وكل سنه تييب توائم ماشالله كل عيالها توائم

ضحك ابوي وقال بل ماتبين توائم عز الله انج ماراح تنامين وتدورين النوم دواره ضحك وقلت مولازم انام بس يجون
قالي تدرين مرتي ماتروح دكتور
قلتله يبا مستحيل توئم واحد اثنين بس مو كل بطن يبا وتقولي بدون علاج
قالي شوفي سمعيني ولا تنحرجين مني وجربي منتي خسرانه
مرتي وقت العذر الشرعي تحط لزقتين اخر الضهر يم بعض علشان يصيرون بعرض الضهر
منثالث يوم عذر وماتسبح لين الطهر
وعقب الاغتسال ترد تحط وحده ثانيه 3 ايام وماتسبح وتشيلها وعقب تسبح ماي دافي
ترا تسحب هوا الضهر والارحام وهوا الارحام يخلي الرحم مايقعد فيه شي وترا مرتي علمتها امها وانا كنت قاعد لما طاف على زواجنا سنه وماحملت
للعلم مرت ابوي صغيره مو بعمر امي
ويمكن بتقولون ابوج ليش ماقال حق امج تقولج السبب انه ابوي ما يحب يسولف عن مرت ابوي جدام امي ولا عند مرته عن امي


عاد واهوا قايم من يمي قلتله اي نوع لزقه
ضحك حييل وقالي الي تفلفل

انا دورتي تاريخ 2 الشهر الجاي بجرب مولازم توائم واحد ببوس ايدي مقلوبه
ونفس الوقت بسوي حجامه ومستمره على علاج ام فيصل