تجربتين من تجاربي هدية لاحلى كويتيات حبوب كيرفر + ملصقات كرست

السلام عليكم ورحمة الله وبركاته


احترت وين أحط هالموضوع اخترت هال قسم لان اعتقد ان رواده كثار ولاني وايد استفدت منكم لازم افيدكم

بدخل فالموضوع عطول

تجربتي لملصقات كرست اللي تنحط نص ساعه يوميا لمدة 22 يوم

لما خلصت العلاج أسناني فتحت راح الصفار بنسبة خفيفة
لكن بعد العلاج أسناني صارت حساسة وتتوسخ بسرعه الحين أسناني صارت رمادية تبقع اسود مدري كيف اول مرة يصير لي جي
مابين الا بالتدقيق
يعني تجربة فاشلة وخرط فخرط والقهر الأسعار المبالغ فيها ع اطل


تجربتي لحبوب كيرفر

استعملتها اول مرة مدة أسبوعين يمكن متنت افخادي لكن متن جسمي
وقفتهم لفترة رجعت اخذها مدة 20 يوم نفس الشي متنت كامل ولان انا صدري كبير خفت ان تكبره بزيادة قررت أوقفه

واكتشفت بعدين انها سوت لي لخبطة هرمونات واعتفست الدورة واللي خلاني اجزم ان الحبوب هي السبب
ان انا من سنتين الدورة عندي منتظمة فوقتها المحدد كأني حاطة منبه اول شهر جربتها اتاخرت الدورة قلت يمكن طبيعي وقتها ولما رجعت لها اعتفست اكثر

وصح من اول ما جربتها بعد اسبوع احس بألم فصدري ونغزات مؤ طبيعية فاصدر اول مرة احس فيها بحياتي

يعي تجربتي لها فاشلة

بنات انا مابي أخوفكم ولا ابي اخرب ع التاجرات انا والله هذا اللي صار معاي بدون جذب او مبالغة

وع فكرة يمكن هالحبوب تنفع البنات اللي ما يتمنون بسرعه مثلي
في عضوة قالت انها نفعتها وما سببت لها أضرار نفسي

ومحد يدري يمكن لان النوع اللي هذاه مؤ اصلي والتاجرة اللي باعتني مؤ متأكدة منه يمكن من جسم لجسم يفرق الله اعلم
المهم هاي تجربتي بين ايدكم


أدعو لي الله يفرج همي ويشفي زوجي ويفك دينه ويكرمنا ويسهل كل أمورنا

وأي سؤال انا حاضرة بنات


بس قبل كل شي ترى انا من الامارات والمنتجات خذتها من تاجرات اماراتيات محد يسألني من وين اشتريتي من اي تاجرة اوكي حبوباتي
مع السلامة