اود الاستفسار...

بسم الله الرحمن الرحيم

ارجو ان اجد ما ابحث عنه عندكم واجد من ينورني

انا ياجماعة الخير توني ساكنه جديد بالخبر .. ونقلت بنتي للمدرسه ( بنتي بالصف الثاني الابتدائي)
بدايه ما رضو يستقبلونها لانها تبع مدرسه جديده تم انشاؤها ... وقالو لي روحي للمدرسه الفلانيه ... رحت .. والمدرسه مافيها احد اصلا ما مفتوحه ... حتى بواب مافيها ... رجعت للمدرسه ... واخذو اوراقها وقالو بس تفتح وتصير جاهزه راح ننقلها هناك .... قلت لاباس ...بدأت الدراسه 14/10 وداومت البنت تقريبا مدة 5 او 6 اسابيع مادري نسيت ... المهم تم نقلها الى المدرسه الجديده ( طبعا تلك الفتره كانت تدرس عادي ) نجي للمدرسه الجديده ... يادوب فيها كراسي وطاولات وسبوره .. حتى ان اغلب الفصول مسكره لانها فاضيه مامجهزه ... المهم مشكلتي ان المعلمه حضورها يوم تعطي درس وباقي الاسبوع غايبه ... وعادي الغياب يمتد بالاسابيع (المعلمه مو حامل ولا والد) يعني حتى استماره متابعه ماعندهم ... وتكلمت واشتكيت ... بس لاشيئ ...الى الان ماتقيمو ... اصلا ولا مره تقيمو ... اخر دوام للمعلمه تقريبا في 22/ 12 والى الان الغياب مستمر...

نفسيتي تعبت ... يعني الكتب لساتها جديده ... كم بقى على نهايه هالفصل ...والنقل ماراح ترضى المدارس الاخرى تستقبلها لانها مو تبع المنطقه ....
ارجوكم اريد حل ... نوروني شنو الاجراء المتبع في هذي الحاله ... حتى المديره مو عاجبتني ... كلام ع الفاضي ....

الله يرحم والديكم ... اريدكم تعلموني وين اروح او شنو اسوي ... ترى معتمده عليكم.....