نســيــتني .. علمني وشلون أنســاك ..***

نسيتنـي علمنـي شلـون ابنسـاك
في هالزمن نسيان الاحباب عــادي
وشلون لامرت على البال ذكــراك
طيفك سرق مني لذيـذ الرقـــادي

شلون لا قالوا لي الناس وش جـاك
من كنت في لذة منامك تنـــادي
شلون اعيش اللـي بقالـي بلياك
لامن غدينا كل واحــد..بــوادي

قلت اداوي جرحي اللي تباطـاك
ما كل جرح يفيد فيه .الضمـادي
اعلنت حبك ليـن كـل .. تمنــاك
غلطه وغيري من خطاي استفـــادي

لو لي مثل قلبك تمنيت فرقــــاك
واكيد قبلك بالجفاء صرت بــادي
حلوه عذاريبك وحلو مزايــــاك
حتى بيوم فراقنا كنت هـــــادي

كن الليالي ودها تكسب رضــــاك
وانا يطول مع الليالي جهـــادي
في ذمتي ماهى غريبه خطايـــــاك
مبطي..وقلبك لا تنبهت غــــادي

سهله على من كان مثلك وشـرواك
مثل الثياب يغيرون المبـــــادي
علمني اكره ذكرياتك وطريــــاك
وانسى من الليله صدوق الودادي

ولاني بقايل عقبها وين القــاك
راضي لو ان جروح قلبي جـــدادي
ولا القصايد جعلها من فدايــاك
لبستها مبطي ثياب الحـــــدادي

باكر على المخطي يدورن الافــلاك
ونشوف من يصعب عليه البعــادي.