موضوع للجميع ( أطرح رايك بصراحه )
اغنام - ابل - دواجن - طيور
بسم الله الرحمن الرحيم
اخواني الاعزاء اسعد الله اوقاتكم بكل خير ومسرات
حقيقة انا عندي موضوع ودي اتناقش فيه مع اصحاب الحلال والمربين الكبار ونعتبرها ناقش هادئ وهادف ولا احد يزعل من احد والمسئلة كلها مصلحه عامه لاغير ..
واعتذر من المشرفين من وضع موضوعي هنا ولاكن حبيت يكون في البيع والشراء بحكم الموضوع يتعلق بالبيع والشراء ..
اخواني الكرام / حقيقة كنت مع احد الاصحاب وتناقشنا عن اسعار الاغناام النادرة والتي توصل قيمتها الى ارقام خرافيه وخياليه .مما شدنا للحديث عن الموضوع بكل جديه
اخواني لماذا اعطاء الشي اكبر من حجمه مع احترامي الكامل للكل بصراحه . بصراحه ماهو منطق ان ابيع او اشتري خروف او نعجه بـ 50 الف ريال او اكثر بصراحه اريد الاجابه عن هذه الارقام الفلكيه .
وماهو الدافع ان اعرض خروف بقيمة عاليه جدا وكأني اريد شراء سياره او قطعة ارض .
الحلال والغنم من الثروات الوطنيه القيمه ولاكن ان توصل الاسعار في الاغنام الى ارقام فلكيه هذا لايصح ابدا ولا هو منطق . كيف يدخل العقل ان في الغربية يباع خروف ( حري ) بـ400 الف ريال والله يا اخوان شي يجعل الرجل يفكر الف مره الهذا وصل التبذير بالاموال . وانا لا اخفيكم انا شفت الخروف عادي جدا والله ثم و الله خالي عنده حلال في الجنوب والله ان عنده فحل اطلق وافضل من اللي انباع بنص مليون بكثير وش هذا يا اخوان خروف بنص مليون هذا جنووون . اوكي لا نختلف في الاغنام النادرة والجميله وانا من محبي هذا النوع لاكن ان يوصل المبلغ الى قيمة بناء منزل او شراء ارض هذا شي لايطاق بحقيقه .
هل المبالغ الطايله في بيع الاغنام يعتبر من غسيل الاموال . لا اعلم انا سمعت من احد المشايخ الفضلاء يقول انه غسيل اموال .
بغض النظر عن انه غسيل اموال او غير ذلك . ولاكن في شي ينقال وفي شي لاينقال بصراحه . خروف او نعجه او شاه بارقام فلكيه هذا شي يدعو للتفكير كثير . واهدار المال بشكل غير لايق . انا معكم الفلوس والمال لصاحبه ولا لنا اي علاقه ولاكن في الجهه المقابله اسراف بشكل فضيع يعني لو اشتري خروف مثلا بـ50 الف لو احطها في بناء مسجد او جمعيه خيريه او اطعام مساكين كان افضل واطهر عن الله سبحانه بدل من ان احطها في راس خروف ..
ولا اخفيكم يالربع اكتشف احد الاخوان ان في شخص عرض فحل للبيع بالمنتدى وظهر لنا بفحل بقيمة عاليه وانا ضخم الحجم والشكل . وفي الاخير طلع الخروف بالفوتشوب مكبر حجم الخروف . ايعقل خروف اطول من الرجال انا شايفه كانه عجل ؟؟؟؟؟؟؟؟؟؟ يعني في مبالغه في كل الحالات واتمنى من الاخوه ان يناقشوني بالموضوع هذا وماسبب هذه الارقام الفلكيه في بيع الاغنام النادرة
وسلامتكم
ولا احد يزعل من احد المسئلة نقاش ووجهات نظر فقط
l,q,u gg[ldu ( H'vp vhd; fwvhpi )
