ثلاث نقاط حلوه لكن دفاع متهالك والسهلاوي وسعود انواع المطرسه !

الحمد لله على الفوز والنقاط الثلاث التي العنزي له الفضل بها بعد توفيق الله تعالى
الدفاع كنا نشتكي منه ونقول فيه معبر يمين والآن اصبح يوجد فيه بالعمق (طريق سريع مفتوح على مصراعيه ) لمرمى النصر وهذا الدفاع لايمكن ان يزبن او ينغزى به إذا حمي وطيس المنافسة !!.. والمدرب له دور في هذا التهالك فلقد كان في المبارة الماضية في مبارة الإتفاق مضبوط ثم حاسه علينا لمجاملة فلان وعلان !.. وهذا ماكان يفعله سيء الذكر ماتورانا الذي دائماً يحوس الإنسجام !!..
السهلاوي وسعود حمود الكوره بين اقدامهم شكلها قبيح فيهم مصالة ومطرسة باللعب غير طبيعية وهؤلاء لايمكن ان ينغزى بهم امام الكبار وقت الجد والحسم إذا استمروا على مصالتهم !
ملاحظ على المعلق المبالغة في التطبيل والتضليل لبعض اللاعبين وكأننا ناقصين !!
العنزي ، غالب ، يوفي ، وحسني ( على حطته ) !.. هؤلاء ابلوا بلاء حسناً في المبارة فلهم منا الشكر والتقدير وفيه لعيبه والله مو كفو انهم يرتدوا شعار النصر لكنها المجاملات والواسطات وربما الجهل !!